News

02
Mar

Ըստ Քիւրտ Գործիչին` Թուրքիան Սուրիոյ մէջ Ռազմակայաններ Կը Հիմնէ

tankԹուրքիան ռազմակայաններ կը հիմնէ Սուրիոյ շարք մը շրջաններու մէջ: Ըստ թրքական «Sputniknews» լրատուամիջոցի թրքական ծառայութեան` այդ մասին  յայտարարած է Սուրիոյ քրտական ուժերուն մօտ կանգնած «Ժողովրդավարական Սուիրոյ խորհրդարան» կազմակերպութեան ղեկավար Ռեզան Հիտտոն:

Վերջինիս պնդումով` նշեալ ռազմակայաններէն որոշներ ստեղծուած են, երբ Թուրքիոյ  զինուժը Սուրիոյ տարածքին սկսաւ «Եփրատի վահան»  գործողութիւնը:

«Դուք ալ գիտէք, որ մենք Ալ Պապ չենք երթար, քանի որ հոն Թուրքիան է  եւ  Սուրիոյ Ազատ բանակը: Ալ Պապի եւ յարակից վայրերուն մէջ բնակող մարդիկ որոշ տեղեկութիւններ հաղորդած են մեզի:  Այդ տեղեկութիւններուն համաձայն` Թուրքիան Աքիլ Սարի(կը գտնուի Պապի մօտ-խմբ.)  եւ Ազազի մօտ ռազմակայաններ կը հիմնէ։

Ըստ Հիտտոյին` այդ  ռազմակայաններուն ստեղծումը երբեք ուղղուած չէ ահաբեկչութեան դէմ  պայքարին:

«Թուրքիան շարունակ կը խօսի «Missak-I Milli» (Ազգային ուխտի)  սահմաններուն մասին: Թուրքիոյ նախագահ Ռեճեփ Թայիփ Էրտողան անձամբ խօսեցաւ ատոր մասին: Թուրքիան կը ցանկայ իրեն միացնել Հալէպի, Ճերապլուսի եւ Շեհպայի շրջանները: Սա է Թուրքիոյ ծրագիրը»:

Յիշեցնենք, որ «Ազգային ուխտ»-ը ընդունած է Օսմանեան կայսրութեան խորհրդարանը 1920-ի Յունուար 28-ին` քեմալականներու ճնշումով: Ազգային ուխտի սկզբունքները մշակուած էին քեմալականներու` 1919-ի Սեպտեմբերին Սեբաստիոյ մէջ (Սվազում) կայացած համաժողովին: Ատոր նպատակն էր «ազգային սահման»-ի սկզբունքը, որ կը պահանջէր Թուրքիոյ տարածք ճանչնալ այն բոլոր հողերը, որոնք Օսմանեան կայսրութեան կազմին մէջ էին Մուտրոսի զինադադարի (1918) կնքման պահուն` առանց արաբական երկիրներուն: «Ազգային ուխտ»-ը կ՛ոտնահարէր թրքական լուծին տակ գտնուող ժողովուրդներու` յոյներու, քիւրտերու, ասորիներու եւ այլոց կենսական շահերը, սակայն ամենամեծ հարուածը կը հասցնէր հայ ժողովուրդին, բացառելով միացեալ եւ անկախ Հայաստանի ստեղծումը Փոքր Ասիոյ արեւելքը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...