News

31
Mar

Թուրքիան Գերմանիոյ Քաղաքացի Քիւրտերու եւ Ալեուիներու Մուտքը Իր Երկիր Կ՝արգիլէ

78513

Վերջին ամիսներուն ընթացքին Գերմանիոյ քաղաքացիութիւն ունեցող շարք մը անձեր, որոնք ծագումով Թուրքիայէն են, չեն կրցած մուտք գործել Թուրքիա: Վկայակոչելով «Evrensel.net» լրատուական կայքը՝ Ermenihaber.am կը  տեղեկացնէ, թէ Գերմանիոյ ԱԳՆ խօսնակ Մարթին Շէֆեր հաստատած է այս մասին մամուլի մէջ հրապարակուած տեղեկութիւնները:

Շէֆեր նշած է, որ իրենց լուրեր հասած են որոշ դէպքերու մասին, երբ Թուրքիոյ իրաւասու մարմինները արգիլած են Գերմանիոյ քաղաքացիութիւն ունեցող  անձերուն մուտքը երկիր: Խօսնակը նշած է, որ ԱԳՆ-ն այժմ կը զբաղի այդ խնդիրով: Շէֆեր նաեւ նկատած է, որ թուրք-գերմանական յարաբերութիւններուն մէջ՝ այս պահուն առկայ լարուածութեան պատճառով՝ խնդիրին լուծում գտնելը այնքան ալ դիւրին չ՝ըլլար:

Գերմանիոյ մէջ Ալեուիական միութիւններու դաշնութեան տնօրէններու խորհուրդի անդամ Ուֆուք Չաքըր նոյնպէս հաւաստած է, որ իրենք տեղեկացուած են բազմաթիւ նմանատիպ դէպքերու մասին: Չաքըր յայտնած է, որ այն քաղաքացիները, որոնց մուտքը Թուրքիա արգիլուած է, մեծ մասամբ քիւրտեր եւ ալեուիներ են:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...