News

30
Nov

Թուրքիոյ Ներգրաւումը Բանակցութիւններուն Անհնար է եւ Անթոյլատրելի. Պաշտօնական Ստեփանակերտի Արձագանգը

david

Թուրքիոյ արտաքին գործոց նախարար Մեւլութ Չաւուշօղլուն, Նոյեմբեր 29-ին, յայտարարած է, որ Անգարայի մէջ հանդիպած է ԵԱՀԿ Մինսկի խումբի անդամներու եւ ԵԱՀԿ գործող նախագահի անձնական ներկայացուցիչ Անճէյ Գասպրշիկի հետ:

Անդրադառնալով այդ հանդիպմա՝ Արցախի նախագահի մամուլի խօսնակ Դաւիթ Բաբայեան Artsakhpress.am-ին յայտնած է, որ, առհասարակ, պէտք է խոստովանիլ մէկ բան` Թուրքիան մշտապէս ներգրաւուած է ատրպէյճանա-ղարաբաղեան հակամարտութեան գործընթացին մէջ:

«Այդ ներգրաւուածութիւնը բացասական է, եւ ասիկա բոլորի համար ակնյայտ է: Թուրքիոյ քաղաքականութիւնը բացէ ի բաց ուղղուած է հայոց պետականութեան դէմ, որ կը դրսեւորուի ո՛չ միայն Ատրպէյճանին սատարելով, զայն յարձակման դրդելով եւ հովանաւորելով զինք, այլ նաեւ Հայոց Ցեղասպանութեան ժխտումով, անոր ճանաչման պահանջին դէմ հակահայկական տարբեր ծրագիրներ իրականացնելով»,- ըսած է Դ. Բաբայեան եւ նշած, որ այսպիսի հանդիպումներով, ի հարկէ, չի նշանակեր, որ Թուրքիան պաշտօնապէս պէտք է դառնայ հակամարտութեան կարգաւորման միջնորդներէն մէկը, որ անհնար է եւ պարզապէս անթոյլատրելի:

Դ. Բաբայեան ընդգծած է, որ վերջին շրջանին թրքական կողմի աշխուժութիւնը ղարաբաղեան հիմնախնդրի գործին մէջ ակնյայտ է, եւ այդպիսի հանդիպումներու ժամանակ ԵԱՀԿ Մինսկի համանախագահները հաւանաբար Թուրքիոյ կը հասկցնեն, որպէսզի ան չհատէ «կարմիր գիծ»-ը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...