News

06
Apr

Թուրքիոյ Պետութիւնը, Ըստ Սահմանադրութեան, Չի Կրնար Միջամտել Պոլսոյ Հայոց Պատրիաքի Ընտրութեան. Մաշալեան

mashalianՊոլսոյ Հայոց պատրիարքարանի Եկեղեցական խորհուրդի նախագահ Սահակ եպիսկոպոս Մաշալեան մեղադրած է Պոլսոյ Հայոց պատրիարքի փոխանորդի պաշտօնին վրայ մնալ շարունակող Արամ Աթէշեանը`Պոլսոյ Հայոց պատրիարքի ընտրութիւններուն շուրջ Սթամպուլի նահանգապետարանին մէջ տեղի ունեցած բանակցութիւններուն մասին տեղեկութիւները խեղաթիւրելուն համար:

Ինչպէս կը յայտնէ «Ակօս»-ը, Մաշալեան շեշտած է, որ «Թուրքիա պետութիւնը օրինական ձեւով չի կրնար միջամտել Պոլսոյ պատրիարքի ընտրութիւններուն, քանի որ ատիկա բացառապէս եկեղեցական կարգով լուծուող խնդիր է, եւ Աթէշեանի` պետութեան արգելքներուն ու «անյարմար հանգամանքներուն» մասին պնդումները անհետթեթ են»:

«Քրիստոնեայ համայնքները այս երկրին մէջ պէտք է ունենան կրօնական ազատութիւն եւ իրենց կրօնական ծէսերը կատարելու իրաւունք: Ատիկա ամրագրուած է նաեւ սահմանադրութեամբ», – ըսած է Մաշալեան:

Նշենք, որ օրեր առաջ Արամ Աթէշեան ու Սահակ Մաշալեան հանդիպում ունեցած էին Սթամպուլի փոխնահանգապետին հետ: Պոլսոյ պատրիարքարանի եկեղեցական խորհուրդի նախագահը դրական եւ արդիւնաւէտ գնահատած էր տեղի ունեցած հանդիպումը ու շեշտած, որ անիկա անցած է բարիդրացիական մթնոլորտի մէջ:

Իսկ երբ արքեպիսկոպոս Պեքճեան Պոլիս ժամանած է, Արամ Աթէշեան հրաժարած էր ընդունելէ զայն որպէս Պոլսոյ Հայոց պատրիարքի տեղապահ: Յայտնի է նաեւ, որ հրաւիրուած ժողովի ընթացքին Աթէշեան երկու անգամ լքած էր ժողովի սենեակը:

Հանդիպման ընթացքին Ժողովը համաձայնած է պատրիարքարանին կողմէ պաշտօնական նամակ կազմել, որ պիտի ուղղուի Էջմիածին:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...