News

13
Dec

Թուրքիոյ Սահմանին Մօտ Հայկական Արեւային Ելեկտրակայան Բացուեցաւ

9792873

«Կանաչ էներգիա (ուժանիւթ-ԵՌԳ)» կայանը բացուեցաւ հայ–թրքական սահմանէն 3 քմ․ հեռաւորութեան վրայ:

Հայաստանի արեւային նոր ելեկտրակայանը, որ 1 մեկաուաթ հզօրութիւն ունի, բացուեցաւ Արմաւիրի մարզի Շէնիկ գիւղին մէջ, կը հաղորդէ «Սփութնիք»-ը:

Հանդիսաւոր բացման ներկայ եղած են ՀՀ վարչապետ Կարէն կարապետեան եւ բարձրաստիճան պաշտօնեաներ։

Ինչպէս նշեց «Շթիկեն» ընկերութէան (կայանի նախագծող) հիմնադիր-տնօրէն Հայկ Շէկեան, քանի մը տարի ետք այսպիսի հզօրութեամբ կայանները Հայաստանի համար սովորական պիտի ըլլան:

«Ես համոզուած եմ, որ այս կայանը դեռ սկիզբն է: Մէկ-երկու տարի անց 1 մեկաուաթ կայաններուն պիտի նայինք այնպէս, ինչպէս այսօր կը նայինք մէկ արեւային մարտկոցին», — ըսած է ան:

Պետութիւնը եւս աջակցած է արեւային կայանի ներդրողներուն` թոյլ տալով ուժանիթը վաճառել սովորականէն բարձր սակով: Ատկէ ետք քանի մը հայ եւ արտասահմանեան գործարարներ հետաքրքրուած են շինարարութեան համար:

Ինչպէս նշեց կայանի սեփականատէր Վարդան Վարդանեան, նախագիծին արժէքը կազմած է 850 հազար տոլար:

Պետութիւնը ձեռնտու սակագին սահմանած է մինչեւ 1 մեկուաթ հզօրութիւն ունեցող 10 կայանի համար: Անոնք, որոնք հասցուցած են յայտ ներկայացնել, 1 քիլօուաթի համար առաջարկած են 42,6 դրամ, առանց ԱԱՀ-ի, կամ միւս կայաններու միջին սակէն մօտ կրկնակի բարձր:

Կայանի 1.6 հա մակերես ունեցող տարածքին մէջ տեղադրուած է 3 124 ֆոթովոլթային վահանակ:

Երկրի ուժանիւթի համակարգին մէջ արեւային եւ հողմային հզօրութիւնները տակաւին 1% չեն կազմեր, բայց եւս քանի մը արեւային ելեկտրակայաններ կառուցման փուլի մէջ են:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...