News

04
Jun

Թուրքիոյ 1-ին Մասնագէտ Բռնցքամարտիկ Կարպիս Զաքարեանի Անունով Մրցաշար Պիտի Անուանակոչուի

Անցնող Յունուար
25-ին Պոլսոյ մէջ 90
տարեկանին մահացած
Թուրքիոյ 1-ին մասնագէտ բռնցքամարտիկ, «Երկաթէ բռունցք» ծածկանունով յայտնի Կարպիս Զաքարեանի
անունով բռնցքամարտի մրցաշար պիտի անուանակոչուի։ 

Այս
մասին ԵՌԱԳՈՅՆ-ը կը տեղեկանայ Ermenihaber.am-էն, ըստ որուն՝ Թուրքիոյ
խորհրդարանի հայ պատգամաւոր Կարօ Փայլան յայտնած է, թէ Զաքարեանի մահէն ետք ինքը այս թեմայով գրաւոր հարցադիմում յղած է Թուրքիոյ երիտասարդութեան եւ մարմնակրթութեան նախարար Մեհմեթ Մուհարրեմ Քասափօղլուին։

Փայլանը
հետաքրքրուած
է թուրք նախարարէն, թէ արդեօք կը ծրագրուի՞
այնպիսի նախագիծ մը,
որ պիտի
հանրահռչակէ Զաքարեանի ներդրումը թրքական մարմնակրթութեան մէջ ու պիտի ապրեցնէ անոր անունը։ Փայլան նաեւ յուշած է, որ Զաքարեանի անունով կարելի
է կոչել որեւէ մարզահամալիր։ 

Քասափօղլու
պատասխանած է՝
տեղեկացնելով, որ արդէն յստակեցուած
է Զաքարեանի անունով մրցաշարի անուանակոչութեան հարցը, ինչպէս նաեւ քննարկման փուլի մէջ կը գտնուի որեւէ մարզահամալիր անոր նանունով կոչելու հարցը։

Հայ
պատգամաւորը
ուրախալի համարած է
Զաքարեանի անունով Թուրքիոյ մէջ մրցաշար անուանակոչելը՝
յիշեցնելով սակայն, որ հայ անուանի մարզիկը իր ասպարէզին ընթացքին երբեմն խտրականութիւններու ենթարկուած է։ 

Փայլան
միաժամանակ նշած
է, որ կը սպասեն, որ
թէկուզ ուշացումով, բայց արժանին մատուցուի անուանի բռնցքամարտիկին, որուն յաջողութիւնները կենդանութեան օրով բաւարար չափով չեն հանրահռչակուած։ 

Յիշեցնենք,
որ 1930-ին
ծնած Կարպիս Զաքարեանի բռնցքամարտիկի ասպարէզը տեւած է 22 տարի:

Բռնցքամարտիկը
այդ ողջ ընթացքին
իրականացուցած է 200 սիրողական եւ 51 մասնագիտական մենամարտ: Զաքարեանը Պոլսոյ եւ Թուրքիոյ ախոյեան դառնալէն ետք՝ 1964-ին, դարձած է Մերձաւոր Արեւելքի ախոյեան: 1966-ին ասպարէզը աւարտած Զաքարեանը 1966-էն սկսած է մարզիչի գործունէութիւն ծաւալել: 
 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...