News

11
Feb

Ժընեւի Պետական Հաստատութիւններուն Մէջ Իսլամ Կիներուն Արգիլուած է Գլխաշոր Կրել

Զուիցերիոյ Ժընեւի երկրամասին մէջ ընդունուած աշխարհիկութեան օրէնքին վերաբերեալ իրականացուած հանրաքուէին իբրեւ արդիւնք՝ երկրամասի բոլոր պետական հաստատութիւններուն մէջ արգիլուած է կրօնական խորհրդանիշներու օգտագործումը: Վկայակոչելով sgkrehberi.com-ը՝ Ermenihaber.am-ը կը հաղորդէ, թէ օրէնքը կ՝արգիլէ նաեւ իսլամ կիներուն կրել գլխաշորեր:

Այս օրէնքը Ժընեւի խորհրդարանին կողմէ ընդունուած էր դեռ 2018 Ապրիլին: Սակայն, որոշ ընդդիմադիր կուսակցութիւններ ու իսլամական կազմակերպութիւններ օրէնքին դէմ արշաւ սկսած էին, ու օրէնքը հանրաքուէի դնելու համար ստորագրահաւաք կազմակերպած: Իբրեւ արդիւնք՝ անոնք հանրաքուէի համար պահանջուող 5227 ստորագրութեան փոխարէն կրցած էին հաւաքել 8000 ստորագրութիւն: Նախօրէին տեղի ունեցած հանրաքուէին իբրեւ  արդիւնք՝ մասնակիցներուն 55 տոկոսը քուէարկած է օրէնքի ընդունման օգտին (դէմ քուէարկած է մասնակիցներու 43 տոկոսը):

Ժընեւի թրքական կազմակերպութիւնները օրէնքը համարած են իսլամաֆոպիայի դրսեւորում եւ յայտարարած, որ կը պատրաստուին օրէնքը չեղարկելու համար դիմել Զուիցերիոյ սահմանադրական դատարան:

Նշենք, որ 500 հազար բնակչութիւն ունեցող Ժընեւի երկրամասի բնակչութեան 6 տոկոսը իսլամներ են:

 

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...