News

17
Jul

Ժորժ Քեփենեկեան` Լիոնի Նոր Քաղաքապետ

georges-kepenekian1Ժորժ Քեփենեկեան ֆրանսական Լիոնի նոր քաղաքապետն է: Լիոնի քաղաքային խորհուրդը քիչ առաջ այդ պաշտօնին համար ընտրեց հայ թեկնածուն: Խորհուրդի 72 անդամէն անոր թեկնածութեան օգտին քուէարկեց 49-ը:

67-ամեայ հայ գործիչը յաջորդեց Լիոնը 2001 թուականէն ղեկավարած Ժերար Կոլոմին, որ Ֆրանսայի նոր ձեւաւորուած կառավարութեան մէջ արդէն նշանակուած է Ներքին գործոց նախարար:

Կը հաղորդուի, որ Լիոնի քաղաքապետի պաշտօնը զբաղեցնելու համար Քեփենեկեանի թեկնածութիւնը առաջադրած էր Կոլոմը:

Քեփենեկեան 2014-էն Կոլոմի մշակութային եւ խոշոր միջոցառումներու հարցերով առաջին տեղակալն էր:

Ան աշխոյժ ներդրում ունեցած է Լիոնի զարգացման գործին: Ժորժ Քեփենեկեան ներգրաւուած եղած է նաեւ Հայոց Ցեղասպանութեան ճանաչման գործընթացին մէջ:

Ֆրանսայի հայկական կազմակերպութիւններու համակարգող խորհուրդի համանախագահ, Դաշնակցութեան բիւրոյի անդամ Մուրատ Փափազեան պատմական որակեց Ժորժ Քեփենեկեանի ընտրութիւնը այս պաշտօնին: Վերջինը աշխոյժ մասնակցութիւն կ՛ունենայ հայ համայնքի կեանքին մէջ: Դեռ վաղ տարիքէն անդամակցած է Հայ Յեղափոխական Դաշնակցութեան:

 «Ինք բաւական օգնած է հայկական հաստատութիւններուն: Աշխատած է իբրեւ Լիոնի փոխքաղաքապետ` մշակութային հարցերով: Ան բաւական փայլուն ներկայութիւն ունեցած է Լիոնի մէջ, զարգացուցած է մշակութային քաղաքականութիւնը»,- ըսած է Փափազեան:

Մուրատ Փափազեան կ՛ըսէ` Ֆրանսայի քաղաքական դաշտին մէջ հայերու համար դրական պատկեր ստեղծուած է` հաշուի առնելով նաեւ այն փաստը, որ Յունիսին Ֆրանսայի մէջ տեղի ունեցած խորհրդարանական ընտրութիւններու արդիւնքով 3 հայ պատգամաւոր ընտրուած է: Ֆրանսան այս տարի ընտրեց նոր նախագահ, ձեւաւորեց նոր կառավարութիւն եւ այս ծիրէն ներս, Փափազեանի կարծիքով, երկրի երկրորդ ամենամեծ քաղաքի ղեկավարին հայ ըլլալը կարեւոր դռներ պիտի բանայ Հայաստանի համար:

Նախկին նախագահի` ֆրանսուա Օլանտի հայամէտ քաղաքականութիւնը, Ֆրանսայի հայկական կազմակերպութիւններու համակարգող խորհուրդի համանախագահին խօսքով, զիրենք բաւարարած է: Հիմա նոյնը կ՛անկնկալեն Ֆրանսայի նոր ղեկավարէն` էմանուէլ Մաքրոնէն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...