News

25
Apr

Լեռնային Ղարաբաղի Ժողովուրդին Անվտանգութիւնը Ապահովելու Համար Պէտք է Ճանչնալ Արցախի Անկախութիւնը. Ֆրանք Էնկըլ

Frank engel

Լեռնային Ղարաբաղի ժողովուրդին անվտանգութիւնը ապահովելու համար անհրաժեշտ է ճանչնալ Արցախի անկախութիւնը: Այս մասին «Արմենփրես»-ի մամուլի սրահին մէջ հրաւիրուած ասուլիսի ընթացքին նշած է Եւրոպական խորհրդարանի պատգամաւոր, ԼՂՀ-ի հետ բարեկամութեան խումբի ղեկավար Ֆրանք Էնկըլ:

«Ապրիլի սկիզբի չորսօրեայ պատերազմէն ետք առաջին անգամ եղայ Ստեփանակերտ: Ես կը գտնեմ, որ ես անձնապէս պէտք է տեղւոյ վրայ ծանօթանամ իրավիճակին: Եւ այն տպաւորութիւնները, որ ստացայ Արցախէն, հաստատեցին իմ մտահոգութիւններս: Ատրպէյճանի կողմէ  սանձազերծած պատերազմական գործողութիւնները արդիւնք են այն ատելութեան, որ տարիներ շարունակ կը ձեւաւորուի Ատրպէյճանի իշխանութիւններուն կողմէ: Իրավիճակը աւելի կը բարդաայ` պայմանաւորուած  այս ամէնուն Թուրքիոյ ներգրաւուածութեամբ»,-ըսած է Ֆրանք Էնկըլ:

Ան նշած է, որ այս պահուն բանակցութիւները, քննարկումները ընդհատուած են, քանի որ իրավիճակը այդպէս կը թելադրէ: Եւրոխորհրդարանի պատգամաւորը կը կարծէ, որ հիմա պէտք է հարցը սուր դրուի եւ խօսուի Ղարաբաղի անկախութեան ճանաչման մասին:

«Միջազգային հանրութիւնը պարտաւոր է պաշտպանելու Արցախի ժողովուրդը: Ատրպէյճանի միակ նպատակն է ոչնչացնել ԼՂՀ-ն եւ այն ամէնը ինչ այնտեղ կայ: Այլեւս ոչ ոք որեւէ կասկած պէտք է ունենայ Ատրպէյճանի յարձակման հարցով: Ատոր վառ ապացոյցներ էին ծեր մարդոց սպանութիւնը, անոնց ականջները կտրելը, զինուորներուն գլխատելը եւ այդ ամէնուն լուսանկարները հպարտութեամբ շրջանառելը: Այս օրերուն Հայոց ցեղասպանութեան 101-րդ տարելիցն է, եւ մենք պէտք է յստակ հասկնանք, որ մէկ այլ ցեղասպանութիւն կրնայ գործի դրուիլ»,-ըսած է Եւրոխորհրդարանի պատգամաւորը:

Անոր խօսքով, այս ամէնը մէկ եզրակացութեան կը բերէ, որ Արցախի ժողովուրդը վտանգի մէջ է, եւ ատիկա կրնայ կանխուիլ միայն Արցախի ճանաչումով:

Ֆրանք Էնկըլ նշած է, որ Եւրոխորհրդարանին մէջ իր գործընկերներուն հետ ջանքեր պիտի գործադրէ հասնելու համար Արցախի անկախութեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...