News

14
Sep

Լիւքսեմպուրկի Հայկական Շունչը

Սպանացիները հետաքրքրական խօսք մը ունին մեր մասին. «Հայերն ու պասկերը կը ծնին այնտեղ, ուր կը ցանկան»: Այս միտքը  ինծի կ’ուղեկցէր, երբ կը ճանապարհորդէի եւրոպական  փոքրիկ երկիր մը, որուն հայ համայնքին կողմէ հրաւէր  ստացած էի` գիրքս ներկայացնելու համար:

Լիւքսեմպուրկ… Ընդամէնը 2586 քմ2 տարածք եւ 500.000 բնակչութիւն ունեցող այս դքսութեան մէջ, սակաւաթիւ ազգերու կողքին, նաեւ հայեր կ’ապրին: Մօտ 100-ի հասնող եւ արդէն լիովին հաստատուած հայ ազգաբնակչութեան գերնպատակներէն է հայկական օրինական միութեան եւ դպրոցի ստեղծումը, որ հայապահպանութեան գրաւականը պիտի ըլլայ յետագային:

Այս փոքրիկ, բայց անասելի գեղեցիկ եւրոպական անկիւնին մէջ արդէն իսկ ծնող ու մեծցող հայ երեխաներու ուծացման դէմ պայքարն ու հայ իքնութեան պահպանումն իրենց վրայ  ստանձնած են անոնց ծնողները, որոնք ջանք չեն խնայեր, գոնէ առ այժմ, տան մէջ հայերէնի գործածութեան ու հայեցի դաստիարակութեան համար: Ըստ անոնց, հասունցած է հայկական մէկօրեայ դպրոցիկ բացման ժամանակը:

Այս ընդհանուր գաղափարի շուրջ միաւորուած հայրենակիցներուս ծանօթացայ Լիւքսեմպուրկ հաստատուած ընկերոջս` գործարար Ռոման Յարութիւնեանի միջոցով, որ  գեղեցիկ ու ջերմ ընդունելութիւն մը կազմակերպած էր: Իսկ ահա հայապահպանութեան դժուարին, բայց եւ հաճելի գործն իր վրայ  ստանձնած է Վահէ Առաքէլեանը:

Հայապահպանութեան գաղափարով  տոգորուած են նաեւ համայնքի միւս անդամները` Արմէնը, Գարիկը, Ալիկը, Սիրանոյշը, Ռուբէնը, Էլէոնորան, Արտեոմը, Իրինան, Կապրիէլան եւ այլք: Այս մտերմիկ մթնոլորտին մէջ անցաւ գիրքիս շնորհանդէսը, որ Լիւքսեմպուրկի նորաստեղծ հայ համայնքի անդրանիկ ձեռնարկներէն մէկն էր, որուն ընթացքին քննարկուեցան նաեւ միջհամայնքային եւ Հայրենիք-Սփիւռք գործակցութիւնները: Յիշեցնենք, որ Հայոց Ցեղասպանութեան 100-րդ տարելիցի ոգեկոչումներ եղան նաեւ այս երկրին մէջ: Յիշատակութեան արժանի է նաեւ դքսութեան կողմէ Հայոց Ցեղասպանութեան պաշտօնական ճանաչման փաստը:

Ուրմեն, բարի երթ մաղթենք Լիւքսեմպուրկի հայ համայնքին եւ այդ ճանապարհին` բազում ու բազմաբովանդակ ազգանուէր ձեռնարկներ,  ցրտաշունչ երկրի մը, ուր արդէն կը զգացուի հայկական ջերմ ու հիւրընկալ շունչը:

Արարատ Ղուկասեան
Վալենսիա (Սպանիա) 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...