News

31
Mar

ԼՂ Հակամարտութեան Կարգաւորման «Լաւրովի Ծրագիր» Չկայ. Լաւրով

lavrov

Լեռնային Ղարաբաղի հակամարտութեան կարգաւորման «Լաւրովի ծրագիր» գոյութիւն չունի, կը քննարկուին միայն ԵԱՀԿ-ի Մինսկի խումբի համանախագահներու` Ռուսիոյ, ԱՄՆ-ի եւ Ֆրանսայի հաւաքական առաջարկները:

Այս մասին, ըստ Armenpress.am-ի, Ռուսիոյ արտաքին գործոց նախարար Սերգէյ Լաւրովը յայտարարած է Azeri Press գործակալութեան տուած հարցազրոյցին ընթացքին:

«Քանիցս հրապարակաւ յայտարարած եմ, որ ոչ մէկ «Լաւրովի ծրագիր» գոյութիւն չունի,- ընդգծած Է ՌԴ ԱԳՆ ղեկավարը: -Այժմ քննարկուող գաղափարներուն հիմքը այն առաջարկներն են, որոնք մշակուած են ԵԱՀԿ-ի Մինսկի խումբի համանախագահ երեք երկիրներու կողմէ»:

«Աւելի ստոյգ խօսքը կը վերաբերի ԼՂ հակամարտութեան կարգաւորման վերաբերեալ Ռուսիոյ, ԱՄՆ-ի եւ Ֆրանսայի նախագահներու համատեղ յայտարարութիւններուն մէջ հնչած առաջարկներուն: Անոնք լաւ յայտնի են: Ընդհանուր առմամբ, չմերժելով այդ հիմքը, կողմերը տարբեր կերպ կը տեսնեն ատոր բաղադրիչներուն իրագործման յաջորդականութիւնը: Անիկա փոխելու կամ համանախագահներու մշակած ծրագիրը արմատապէս փոխող նոր տարբեր ծրագրեր առաջարկելու մասին խօսք չկայ»,- ըսած է նախարարը:

«Գլխաւորը կողմերուն օգնելն է` գտնել հաւասարակշռուած քաղաքական որոշում, որ թոյլ պիտի տայ անցնելու իրաւաբանօրէն պարտաւորեցնող փաստաթուղթերու պատրաստման»,- ընդգծած է Լաւրով:

Անոր խօսքով` ԵԱՀԿ Մինսկի խումբի համանախագահները ԼՂ հակամարտութեան կարգաւորման հարցով հանդէս պիտի գան միասնական դիրքերէ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...