News

02
Dec

Կապանը Ընտրուած է Հայաստանի 2020-ի Երիտասարդական Մայրաքաղաք

Սիւնիքի մարզի Կապան քաղաքը ընտրուած է Հայաստանի Հանրապետութեան 2020 թուականի երիտասարդական մայրաքաղաք:

Ինչպէս կը տեղեկացնէ «Արմենփրես»-ը, ՀՀ կրթութեան, գիտութեան, մշակոյթի եւ մարմնամարզութեան նախարարութիւնը 2020-ին Կապանի մէջ պիտի իրականացնէ տեղական եւ միջազգային երիտասարդական ծրագիրներ, որոնց մէջ ներգրաւուած պիտի ըլլան համայնքի եւ մարզու երիտասարդներն ու երիտասարդական կազմակերպութիւնները:

2020 թուականի երիտասարդական մայրաքաղաքի կոչումին համար յայտ ներկայացուցած էին Արմաւիր, Կապան, Հրազդան, Գաւառ եւ Գորիս քաղաքները: Յաղթողը որոշուած է կարճ հաղորդագրութեան (sms) քուէարկութեան եւ յայտերու փորձագիտական գնահատման միջոցով:

ՀՀ կրթութեան, գիտութեան, մշակոյթի եւ մարմնամարզութեան նախարարի տեղակալ Գէորգ Լոռեցեանի խօսքով`  կարճ քուէարկութեամբ ամենաշատ ձայները ստացած էր Հրազդան քաղաքը, երկրորդ տեղը՝  Կապանն էր:

«Քուէարկութեան արդիւնքները համադրելով փորձագէտներու կողմէ տրուած գնահատականներուն հետ որոշուեցաւ 2020-ի Հայաստանի երիտասարդական մայրաքաղաք ճանչնալ Կապանը: Ասիկա կը նշանակէ, որ Կապանը պիտի ըլլայ երիտասարդական ձեռնարկներու կեիդրոն, այնտեղ տեղի պիտի ունենան երիտասարդական բազմաթիւ ծրագիրներ»,- ըսած է Լոռեցեան:

Տարուան երիտասարդական մայրաքաղաք մրցոյթի նպատակ ունի նպաստել հանրապետութեան համայնքներու համաչափ զարգացման, խթանել երիտասարդական նախաձեռնողականութեան, երիտասարդական քաղաքականութեան ոլորտին մէջ համայնքներու միջեւ բարեխիղճ եւ գործընկերային յարաբերութիւնները` ինչպէս տեղական եւ հանրապետական, այնպէս ալ միջազգային մակարդակի վրայ, խրախուսել համայնքային իշխանութիւնները` տեղական մակարդակի վրայ մշակելու արդիւնաւէտ երիտասարդական քաղաքականութիւն, աջակցելու մարզերու մէջ երիտասարդական կազմակերպութիւններու եւ ենթակառոյցներու զարգացման:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...