Կարօ Փայլանին Պատգամաւորական Անձեռնմխելիութենէն Զրկելու Միջնորդութիւն Ներկայացուած Թուրքիոյ Խորհրդարան

Թուրքիոյ նախագահականէն միջնորդութիւն ներկայացուծ է երկրի խորհրդարան` 8 պատգամաւոր անձեռնմխելիութենէն զրկելու համար:

«Էրմենիհապեր»-ը կը գրէ` խորհրդարանի սահմանադրական եւ արդարադատութեան խառն յանձնաժողովին ներկայացուած յիշեալ միջնորդութեան մէջ 8 պատգամաւորներու ցանկին մէջ է նաեւ «Ժողովուրդներու ժողովրդավարական կուսակցութեան» (HDP-ժԺԿ) Տիարպեքիրէն ընտրուած հայ պատգամաւոր Կարօ Փայլանի անունը:

Մնացեալ 7 հոգիէն 5-ը դարձեալ HDP-էն են: Ցուցակին մէջ զարմանալիօրէն յայտնուած է նաեւ Թուրքիոյ նախագահ Ռեճեփ Թայիփ Էրտողանի գլխաւորած իշխող «Արդարութիւն եւ զարգացում» կուսակցութեան պատգամաւոր Ռըզա Փոսաջըն:  Իսկ 8-րդը Թուրքիոյ գլխաւոր ընդդիմադիր ուժ համարուող «Ժողովրդահանրապետական» կուսակցութեան (CHP-ժհկ) պատգամաւոր Եուքսել Մանսուր Քըլըչն է:

Source: Yerakouyn