News

12
Jan

Կարօ Փայլան Դատախազութիւն Կանչուած է` Եւրոպայի Մէջ Հայերու եւ Քիւրտերու Դէմ Մահափորձերու Մասին Ցուցմունք Տալու

garo paylan

Թուրքիոյ խորհրդարանի պատգամաւոր Կարօ Փայլան Անգարայի դատախազութիւն ներկայացած է` Եւրոպայի մէջ հայերու, ալեւիներու եւ քիւրտեր ու դէմ մահափորձերու նախապատրաստման մասին տեղեկութեան հիման վրա յարուցուած գործի ծիրէն ներս ցուցմունք տալու: Այս մասին` ըստ «Արմենփրես»-ի՝ կը տեղեկացնէ Demokrathaber.org կայքը:

Փայլանի խօսքով` տարիներ առաջ գրեթէ նոյն ձեւով սպաննուած է պոլսահայ լրագրող, «Ակօս» թերթի խմբագիր Հրանդ Տինքը: Դատարանին մէջ Փայլան նշած է, որ Թուրքիոյ պատմութեան մէջ կայ Հրանդ Տինքի սպանութեան մասին իրականութիւն: «Այդ շրջանին ան ալ մամուլի ու իշխանութիւններու կողմէ թիրախ դարձաւ: Ես ցանկացայ, որ լքէ երկիրը, սակայն ան մնաց ու սպաննուեցաւ: Այժմ ալ քաղաքական գործիչներու ու մամուլի կողմէ թիրախի տակ կ՛առնուին կարգ մը մտաւորականներ, անոնց մէջ է նաեւ Ճան Տիւնտարը: Գերմանիայէն տեղեկութիւններ ստացանք, որ անոնց դէմ մահափորձեր կը նախապատրաստուին: Այս թեմայի վերաբերեալ որեւէ իրեղէն ապացոյց ու փաստաթուղթ չկայ, կայ բանաւոր տեղեկատուութիւն միայն», – ըսած է ան:

Յիշեցնենք, որ աւելի առաջ Կարօ Փայլան յայտարարած էր, որ իրեն տեղեկութիւններ հասած են այն մասին, որ Թուրքիայէ Եւրոպա տեղափոխուած շարք մը հայերու, ալեւիներու, ինչպէս նաեւ թուրք ընդդիմադիր լրագրողներու, գրողներու ու մտաւորականներու կեանքին վտանգ կը սպառնայ: Յայտարարութեան մէջ մասնաւորապէս կ՛ըսուէր. «Ինծի տեղեկութիւն հասած է այն մասին, որ Եւրոպայի մէջ, յատկապէս` Գերմանիոյ մէջ ապրող հայկական ու ալեւիական համայնքներու ներկայացուցիչներու, ինչպէս նաեւ Թուրքիոյ մէջ Արդարութիւն եւ զարգացում կուսակցութեան անդամ իշխանութիւններու վարած քաղաքականութեան հետեւանքով ստիպուած երկրէն հեռացած լրագրողներու, գրողներու, գիտնականներու ու հասարակական գործիչներու դէմ մահափորձեր կը նախապատրաստուին»:

Փայլան նշած է, որ ահաբեկչութիւնները ծրագրող խումբերը կ՛ուղղորդուին Թուրքիայէն: «Գործ ունինք Թուրքիոյ մութ ուժերու կողմէ կազմակերպուած յանցաւոր խումբերու հետ, որոնք կը պատրաստուին զինուած յարձակումներ կատարելու»,- նշած է Փայլանը: Հայ պատգամաւորը յայտարարած է, որ տեղեկութիւններ ստացած է յայտնի անձերու դէմ իրականացուելիք գործողութիւններու մասին, ինչ որ կրնայ մեծ աղմուկի պատճառ դառնալ: Փայլան նշած է, որ եւրոպական անվտանգութեան ծառայութիւնները լուրջ միջոցներ կը ձեռնարկեն այս տեղեկութիւններու հիման վրայ: «Ես արդէն կառավարութիւնը եւ համապատասխան մարմինները զգուշացուցած եմ մեր քաղաքացիներու անվտանգութիւնը ապահովելու համար եւրոպական կառոյցներու հետ կապ հաստատելու համար:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...