News

21
Apr

Կարօ Փայլան Պահանջած է Հետաքննել Օսմանեան Խորհրդարանի Հայ Պատգամաւորներուն Սպանութիւնները

garo paylan

Թուրքիոյ Ազգային մեծ ժողովի (մեճլիս-TBMM) հայ պատգամաւոր Կարօ Փայլան ու իր ընկերները մէճլիսէն պահանջած են ուսումնասիրութիւն իրականացնել օսմանեան խորհրդարանի հայ պատգամաւորներու մահուան հանգամանքներուն վերաբերեալ:

Ըստ ermenihaber.am-ի՝ թրքական «İnternethaber.com» լրատուակայքը կը տեղեկացնէ, որ քրտամէտ ընդդիմադիր «Ժողովուրդներու ժողովրդավարական կուսակցութիւն»-ը (ԺԺԿ-HDP) այս նպատակով յատուկ դիմում-առաջարկ ուղղած է մեճլիսի ղեկավարութեան:

Փայլանի եւ անոր կուսակցակիցներուն ստորագրութեամբ ներկայացուած փաստաթուղթին մէջ նշուած է, որ 1908-1915 թուականներուն Օսմանեան կայսրութեան մէճլիսին մէջ գործած են 7 հայ պատգամաւորներ: Օսմանահպատակ հայերու այդ ներկայացուցիչները` Գրիգոր Զոհրապը, Վարդգէս Սերենգիւլեանը, Նազարէթ Տաղաւարեանը, Կարապետ Փաշայեանը, Օնիկ Դերձակեանը, Ստեփան Հրաչեանը եւ Համբարձում Բոյաջեանը Ցեղասպանութեան ընթացքին սպաննուած են տարբեր հագամանքներու մէջ:

«Բոյաջեանը մահապատժի ենթարկուած է, իսկ միւս պատգամաւորները 1915-ի Ապրիլ -Մայիս ամիսներուն ձերբակալուած են, ապա սպաննուած տարբեր ժամանակներու եւ տարբեր վայրերու մէջ: Մենք կը ցանկանանք, որ խորհրդարանական հետաքննութիւն սկսի` պարզելու համար, թէ անոնք ինչպէս եւ որուն հրամանով սպաննուած են, որոշելու համար, թէ ուր կը գտնուին հիմա անոնց մասունքները, որպէսզի այդ մասունքները թաղուին ըստ պատշաճ կարգի եւ վերականգնուի այս մէջլիսին մէջ գործունէութիւն ծաւալած պատգամաւորներուն պատիւը», -ըսուած է դիմում-առաջարկին մէջ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...