News

14
Sep

Կարօ Փայլան Պիտի Ստանայ Հայ Դատի «Ազատութեան» Մրցանակը Եւ Ելոյթ Պիտի Ունենայ Խորհրդաժողովին

garo paylanԱրեւմտեան Ամերիկայի Հայ Դատի յանձնախումբը որոշած է իր տարեկան ձեռնարկին ընթացքին հեղինակաւոր «Ազատութեան» մրցանակը շնորհել Թուրքիոյ խորհրդարանի հայազգի երեսփոխան Կարօ Փայլանին, որ անդամ է Թուրքիոյ քրտամէտ Ժողովուրդներու ժողովրդավարական կուսակցութեան, կը հաղորդէ “Ասպարէզ”-ը:

«Կարօ Փայլան իսկապէ՛ս ժամանակակից հայ հերոս մըն է, որ քաջաբար եւ անվախօրէն իրականութիւնը կը խօսի ու կը փորձէ արդարութեան հասնիլ՝ ուղղակի պայքարելով Թուրքիոյ իշխանութիւններուն դէմ։ Ան արժանի է Արեւմտեան Ամերիկայի Հայ Դատի հեղինակաւոր «Ազատութեան» մրցանակին, եւ մեզի համար պատիւ է, որ ան որոշած է նաեւ ելոյթ ունենալ Հայ Դատին կազմակերպած խորհրդաժողովին ընթացքին», այս առթիւ կը յայտնէ Արեւմտեան Ամերիկայի Հայ Դատի յանձնախումբի ատենապետ Նորա Յովսէփեան:

Նշենք, որ խորհրդաժողովը տեղի պիտի ունենայ Հոկտեմբեր 6-7-ին, Փասատինայի «Convention Center»ին մէջ, ի մի բերելով քաղաքականութեան, իրաւագիտութեան, արուեստներու եւ լրատուամիջոցներու մարզերէն մասնագէտներ, քննելու համար Հայ Դատի եւ պահանջատիրութեան առնչուող շարք մը հարցեր։ Խորհրդաժողովին մասնակցութիւնը ազատ է, սակայն պէտք է նախապէս արձանագրուիլ՝ այցելելով www.eventbrite.com/e/2017-anca-wr-grassroots-conference-registration-37526433573 կայքէջը։

Յիշեցնենք, որ Փայլան Թուրքիոյ խորհրդարանի անդամ ընտրուած է Յունիս 7, 2015ին եւ հիմնադիր անդամներէն մէկն է երկրին մէջ փոքրամասնութեանց իրաւանց պաշտպան՝ Ժողովուրդներու ժողովրդավարական կուսակցութեան: Մալաթիացի Փայլան նաեւ գործօն անդամ է Պոլսոյ հայ համայնքին, միաժամանակ քիւրտերու, այլ փոքրամասնութեանց ու ընդհանրապէս մարդկային իրաւանց նուիրեալ պաշտպան մըն է, որ կը ջատագովէ երկրին մէջ երկլեզու ուսման կարեւորութիւնը։

Փայլան գործնական պայքար մղած է նաեւ Հայոց Ցեղասպանութիւնը ուրանալու գծով Թուրքիոյ իշխանութեանց ջանքերուն դէմ՝ հարցը բարձրացնելով նոյնիսկ երկրի խորհրդարան եւ հոն ցուցադրելով Ցեղասպանութեան զոհ գացած հայ մտաւորականներու լուսանկարները։ Իր յանդուգն ելոյթներէն մէկուն ընթացքին, ան իշխանամէտ եւ ազգայնամոլ երեսփոխաններու ֆիզիքական յարձակումին ենթակայ դարձած էր, սակայն ան անսասան կը շարունակէ Հայ Դատին ի նպաստ պայքարը։

Հայ Դատի յանձնախումբի տարեկան ձեռնարկը առիթ մըն է քննելու Հայ Դատի վերջին մէկ տարուան գործունէութիւնը ու պատուելու Հայ Դատին ի նպաստ գործունէութիւն ծաւալած գործիչներ, մտաւորականներ, արուեստագէտներ ու քաղաքական անձնաւորութիւններ:

Հոկտեմբեր 8ին կայանալիք այս տարուան ձեռնարկը տեղի պիտի ունենայ Պեվըրլի Հիլզի «Հիլթըն» պանդոկին մէջ: Յաւելեալ տեղեկութեանց կամ տեղեր ապահովելու համար, դիմել (818) 500-1918 թիւին, կամ այցելել www.ancawr.org/gala կայքէջը։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...