News

29
Jan

Կոմիտասի 150-ամեակը Պիտի Նշուի Բազմաբովանդակ Ծրագիրներու Իրականացումով

Կոմիտասի ծննդեան 150-ամեակի առիթով պիտի իրականացուին համերգային ծրագիրներ, փառատօններ, ցուցահանդէսներ, գիտաժողովներ ինչպէս Հայաստանի, այնպէս ալ արտերկրի մէջ:

Ըստ Armenpress.am-ի, Յունուար 29-ին, լրագրողներու հետ հանդիպման ժամանակ՝  կազմակերպիչները ներկայացուցած են յոբելինական տարուան ընթացքին նախատեսուած ձեռնարկները:

«Յոբելինական տարին պատշաճ մակարդակով կազմակերպելու նպատակով՝ ՀՀ վարչապետի որոշումով` 2018 Սեպտեմբեր 6-ին, ստեղծուած են յոբելինական յանձնաժողով, եւ հաստատուած է անոր կազմը: Յանձնաժողովը կազմած է ձեռնարկներու ցանկ: Պիտի ըլլան յոբելինական հրատարակութիւններ, պիտի թողարկուին ձայնասկաւառակներ, պիտի պատրաստուին եւ հեռարձակուին հեռուստահաղորդումներ եւ հոլովակներ, կրթական ծրագիրներ եւ այլն»,- նշած է հհմշակոյթի նախարարի պարտականութիւնները կատարող Նազէնի Ղարիբեան:

Անոր խօսքով` ձեռնարկները համընդգրկուն են եւ նպատակաուղղուած են Կոմիտասի ստեղծագործական ժառանգութիւնը եւ  հասարակական գործունէութիւնը նորովի ներկայացնելուն:

Մայր աթոռի ձեռագրատան, արխիւի եւ թանգարաններու տնօրէն տէր Ասողիկ քահանայ Կարապետեան շեշտած է, որ իրենք վստահ են, որ ձեռնարկներուն մեկնարկը պիտի տրուի պետական եւ եկեղեցական ամենաբարձր մակարդակով` վարդապետի շիրիմին այցով, հոգեհանգստեան կարգով եւ հանդիսաւոր ձեռնարկով: «Ի հարկէ, յոբելեանը կը նշենք իբրեւ յարգանքի տուրք ծննդեան յիշատակին, բայց Կոմիտասը մեր հետ պէտք է քալէ մեր կեանքի բոլոր օրերուն, եւ պատգամը այս տօնակատարութիւններուն ա՛յդ է: Մեր հանրութիւնը, յատկապէս գալիք սերունդը, Կոմիտասի երաժշտութեամբ, անոր կերպարով պիտի ճանչնայ ինքզինք եւ կարենայ պահպանել այն ամէնը, որ հազարամեակներու ժառանգութիւն ստացած է մեր փառապանծ ազգը: Վստահաբար, Մայր Աթոռը նոյնպէս իր մասնակցութիւնը պիտի բերէ պետական ծրագիրին: Վեհափառ հայրապետի տնօրինութեամբ՝ Էջմիածինի մէջ նոյնպէս ստեղծուած է յոբելինական յանձնախումբ»,- ընդգծած է ան:

Կոմիտասի թանգարան-ուսումնարանի տնօրէն Նիկոլայ Կոստանդեան նշած է, որ թանգարանը այս տարի Կոմիտասի 150-ամեայ յոբելեանին՝ պիտի իրականացնէ համերգային, հրատարակչական, գիտական, կրթական ծրագիրներ, որոնց մէջ իր ուրոյն տեղը պիտի ունենայ «Կոմիտաս» միջազգային գիտաժողով-փառատօնը:

Անդրադառնալով նախատեսուած ծրագիրներուն բովանդակային կողմին՝ ՀՀ արուեստի վաստակաւոր գործիչ, փրոֆէսըր Մհեր Նաւոյեանը ըսած է, որ անոնք կ՝ընդգրկեն Կոմիտասի գործունէութեան բոլոր ոլորտները. երգահան, երաժիշտ-ազգագրագէտ, երաժշտագէտ, երգիչ, հրապարակախօս: Կարեւոր շեշտառութիւնը, որ նկատի ունեցած ենք նախագիծերը կազմելու ժամանակ, եղած է այն, որ Կոմիտասը չներկայանայ սոսկ իբրեւ թանգարանային ցուցանմուշ: Անոր ստեղծագործական մօտեցումները կամ սկզբունքները այսօր ալ կրնան ամբողջ երաժշտական դպրոց մը սնանել»,- հաւաստիացուցած է Նաւոյեանը:

Յոբելինական տարուան ձեռնարկներուն մեկնարկը պիտի տրուի այսօր՝ Յունուար 29-ին, Արամ Խաչատրեան համերգասրահին մէջ՝ Կոմիտասի 150-ամեակին նուիրուած համերգային ծրագիրով:

Ձեռնարկներու գերակշռող մասի կազմակերպչական աշխատանքները պիտի իրականացնեն Կոմիտասի թանգարան-ուսումնարանը, Յովհաննէս Թումանեանի թանգարանը, Եղիշէ Չարենցի անուան գրականութեան եւ արուեստի թանգարանը, Երեւանի Կոմիտասի անուան պետական երաժշտանոցը եւ շահագրգիռ հասարակական կազմակերպութիւնները:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...