News

28
Apr

Կրպէեանի Կերպարով Կ՛ուզէի Ցոյց Տալ Այսօրուան Հայը. Հերոսի Կիսանդրին Պատրաստ է

tatulԱպրիլ 30-ին Թաթուլ Կրպէյեանի անուան զբօսայգիին մէջ տեղի պիտի ունենայ հերոսի կիսանդրիին բացման արարողութիւնը: Կիսանդրիին հեղինակները քանդակագործ Լեւոն Թոքմաջեանն ու ճարտարապետ Գրիգոր Բաբաջանեանն են:

Yerkir.am-ի հետ զրոյցի ընթացքին Լեւոն Թոքմաջեան նշած է, որ Կրպէեանի կիսանդրին ունենալը իր մտայղացումն ու նախաձեռնութիւնը եղած է. Կը յիշէ` երբ այգին Կրպէեանի անունով անուանակոչուած է, ինք անմիջապէս դիմած է թաղապետարան եւ քաղաքապետարան, որ Կրպէեանի կիսանդրին տեղադրուի այնտեղ:

«Քանդակին վրայ մէկ տարի աշխատած եմ, եւ ստացած եմ այն, ինչ ես կ՛ուզեմ: Թաթուլը  քաղաքին կը նայի` վերէն վար: Թաթուլի կերպարը ինչպէս Զեւսը ըլլայ` մօրուքը կը հասնէր մինչեւ ականջները: Ես կը նայէի ու կը մտածէի` այս ինչ «քանդակելու մարդ» է` անկախ անկէ` հերո՞ս է, թէ՞ ոչ: Իսկ յետոյ, երբ խորամուխ եղայ գործին, կնոջը` Իրինային, ըսի, թէ` քանդակին մէջ շատ նմանութիւն չփնտռես, ես էութիւնը պիտի քանդակեմ: Նման անձնաւորութիւն շատ դժուար է քանդակել, եւ այնպէս չէ, որ պէտք է լուսանկարին նայելով քանդակեմ, եւ լաւ է, որ վերջաւորութեան կինն ու աղջիկը` Ասպրամը, ըսին, որ զայն այսպէս ալ կը պատկերացնեն»,- ըսած է Թոքմաջեան:

Ան նշած է նաեւ, որ Կրպէեան, բացի հերոս ըլլալէն, նաեւ տաղանդաւոր մարդ էր` կ՛երգէր ու բանաստեղծութիւններ կը գրէր:

Ըստ քանդակագործին` Կրպէեանի կերպարով ուզած է ցոյց տալ այսօրուան հայը: «Թող թուրքը չմտածէ, որ զէնքով կրնայ հայը ծունկի բերել. «մեր տղերքի դուխը ոչ ոք չունի»: Միշտ կ՛սեն, չէ՞, ինչ ռազմամթերք ունէին ատրպէյճանցիները, ու մեր տղաքը ինչով կը կռուէին ու կը յաղթէին: Այն, որ յոյսը միայն ոգիի վրայ պէտք չէ դնել, ատիկա այլ հարց է, բայց մեր տղոց մարտական ոգին միշտ բարձր եղած է»,- ըսած է Թոքմաջեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...