News

19
Jun

Համախմբում Կուսակցութեան Հիմնադիր Համագումարին Վարդան Օսկանեան Ընտրուեցաւ Կուսակցութեան Նախագահ

Vartan OskanianՀամախմբում կուսակցութիւնը գումարեց իր հիմնադիր համագումարը, որուն ընթացքին ձայներու մեծամասնութեամբ կուսակցութեան նախագահը ընտրուեցաւ Հայաստանի արտաքին գործոց նախկին նախարար, պատգամաւոր Վարդան Օսկանեան, փոխնախագահներ` Ազգային ժողովի տարածքային կառավարման եւ տեղական ինքնակառավարման հարցերու մնայուն յանձնախումբի նախագահ Ստեփան Մարգարեան եւ Ազգային ժողովի մարդու իրաւունքներու պաշտպանութեան եւ հանրային հարցերու մնայուն յանձնախումբի նախագահ Էլինար Վարդանեան:

Վարդան Օսկանեան ներկայացուց կուսակցութեան տեսլականը եւ տարբեր մարզերու մէջ առկայ խնդիրները, որոնց, ըստ անոր, լուծում պիտի տրուի: «Մենք պիտի ըլլանք բաց եւ թափանցիկ: Մենք պիտի ներգրաւենք բոլորը, յատկապէս երիտասարդութիւնը, կիները, պիտի կատարենք սերնդափոխութիւն: Այս ճամբուն վրայ մենք պատրաստ ենք համագործակցելու բոլորին հետ անխտիր` քաղաքական ուժերու, հասարակական կազմակերպութիւններու եւ անհատներու հետ: Այս կուսակցութիւնը կուսակցութիւն է այնքանով, որքանով օրէնքի պահանջն է», ըսած է ան:

Կուսակցութեան վարչութեան մաս կը կազմեն 16 անձեր, որոնց կարգին են «Արաբօ» ջոկատի հիմնադիր Մանուէլ Եղիազարեան, Ազգային ժողովի պատգամաւոր Վահէ Յովհաննիսեան, Հայաստանի մարդու իրաւունքներու նախկին պաշտպան Կարէն Անդրէասեան, բեմադրիչ Վահէ Հախվերդեան, քաղաքագէտ Գեղամ Նազարեան եւ այլն: Կարէն Անդրէասեան վստահութիւն յայտնած է այն մասին, որ կուսակցութիւնը առանցքային դեր պիտի ստանձնէ: «Կուսակցութեան նախաձեռնող կազմը վերջին տարիներուն դրսեւորած է կարծր սկզբունքային դիրքորոշում եւ այդ տարիներուն, որ ես հետեւած եմ աշխուժ  քաղաքականութեան, դրական զարգացումներ տեսած եմ անոնց աշխատանքին մէջ», լրագրողներուն հետ ունեցած զրոյցին ընթացքին յայտնած է Կարէն Անդրէասեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...