News

13
Aug

Համահայկական Խաղերու Մասնակիցները Ծիծեռնակաբերդ Այցելեցին

Համահայկական 7-րդ ամառնային խաղերուն մասնակից պատուիրակութիւնները Ծիծեռնակբերդի յուշահամալիրին մէջ յարգանքի տուրք մատուցեցին Հայոց Ցեղասպանութեան զոհերու յիշատակին:

Ըստ Armenpress.am-ի՝ 7-րդ խաղերուն մասնակիցները նախ ծաղիկներ խոնարհեցին յուշահամալիրին մէջ, այնուհետեւ այցելեցին Հայոց Ցեղասպանութեան թանգարան:

«Համահայկական այս խաղերը նոր թափ ստացան անով, որ բացումը տեղի ունեցաւ Արցախի մէջ… Հիմա ամբողջական ենք՝ Հայաստան-Արցախ-սփիւռք»,- լրագրողներու հետ զրոյցին ընթացքին ըսած է համահայկական խաղերու համաշխարհային խորհուրդի անդամ Սեպուհ Պաղտոյեան: Վիեննայի պատուիրականութեան ներկայացուցիչը իր խօսքին մէջ շեշտած է, որ խաղերուն խորհուրդը կ՝իրականանայ` հայերը միասնական են… Մասնակիցներուն մէջ նոյնիսկ սիրահարուած զոյգեր կան արդէն: «Արցախի ժողովուրդը հրաշալի ընդունեց մեզ: Հպարտ ենք եւ երախտապարտ իրենց»,- եզրափակած է ան:

Համահայկական խաղերու համաշխարհային խորհուրդի նախագահ Իշխան Զաքարեանի խօսքով` խաղերուն կը մասնակցին եղեռնազարկ ժողովուրդի յետնորդները, եւ այցելութիւնը Ծիծեռնակաբերդ արդէն աւանդական դարձած է խաղերուն համար: «Գիրքերուն մէջ կարդալը այլ է, այստեղ ըլլալը` այլ»,- ըսած է ան:

Համահայկական խաղերուն ընթացքին Օգոստոս 13-ը հանգիստի օր է, եւ պատուիրակութիւնները կ՝այցելեն Գառնի եւ Գեղարդ:

Նշենք, որ 7-րդ համահայկական ամառնային խաղերուն այս տարի կը մասնակցի մօտ 5000 մարզիկ՝ աշխարհի 35 երկրի մօտ 160 քաղաքէ:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...