News

08
Nov

Հայաստանը Մարդու Իրաւունքներու Եւրոպական Դատարանին Մէջ Պիտի Ներկայացնէ Եղիշէ Կիրակոսեանը

ՀՀ վարչապետի պաշտօնակատար Նիկոլ Փաշինեան այսօր որոշում ստորագրած է Եղիշէ Կիրակոսեանը Մարդու իրաւունքներու եւրոպական դատարանին մէջ լիազօր ներկայացուցիչ նշանակելու մասին, կը հաղորդէ «Մետիամաքս»-ը։

Եղիշէ Կիրակոսեան 2014-ի Յուլիսէն ՀՀ Սահմանադրական դատարանի խորհրդական էր: 2012-2014 թուականներուն եղած է ՀՀ արդարադատութեան նախարարի տեղակալ: Մինչ այդ աշխատած է որպէս վարչապետի օգնական եւ Սահմանադրական դատարանին մէջ` որպէս խորհրդական: Աշխատած է ՀՀ արտաքին գործոց նախարարութեան մէջ, նաեւ որպէս Մարդու իրաւունքներու եւրոպական դատարան դիմելու իրաւախորհրդատուական կեդրոնի իրաւախորհրդատու: Միջազգային եւ համեմատական իրաւունքի հայկական կեդրոնի հիմնադիրներէն է:

Կրթութիւնը ստացած է Ֆլեթչըրի Թաֆթս համալսարանի իրաւունքի եւ դիւանագիտութեան դպրոցին մէջ, յետագային Ճորճթաունի համալսարանի Իրաւունքի կեդրոնէն վկայուած է մագիստրոսի աստիճանով:

 Յիշեցնենք, որ 2018-ի Յունիսէն ՄԻԵԴ-ի մէջ ՀՀ ներկայացուցիչի պարտականութիւնները ժամանակաւորապէս կը կատարէր Արտակ Ասատրեանը: Աւելի առաջ ՄԻԵԴ-ի մէջ ՀՀ ներկայացուցիչի լիազօրութիւններէն հրաժարած էր Ազգային ժողովի պատգամաւոր Գէորգ Կոստանեանը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...