News

07
Jun

Հայաստանի Մէջ Ապրիլեան Իրադարձութիւններէն Ետք Զբօսաշրջիկներու Թիւը Չէ Նուազած

ara medrosian, touristsԶբօսաշրջիկները Երեւանի եւ ընդհանրապէս Հայաստանի մէջ ապրիլեան իրադարձութիւններէն ետք չեն նուազած եւ մտավախութիւն ալ չկայ, որ կը նուազի: Այդ մասին յայտարարած է Երեւանի քաղաքապետարանի աշխատակազմի մշակոյթի եւ զբօսաշրջութեան վարչութեան պետ Ռուբէն Յովհաննիսեանը, կը յայտնէ Tert.am-ը:

«Ներկայումս էլ փողոցում, որ քայլենք անզէն աչքով կը նկատենք, որ այցելուները շատ են»,-ըսած է ան:

Ռուբէն Յովհաննիսեան նշած է, որ աւանդաբար Յուլիս-Օգոստոս ամիսը կը հանդիսանայ զբօսաշրջային թէժ շրջան, եւ այդ առումով կան սպասումներ: Անդրադառնալով այն հարցին, թէ ի՞նչ խնդիրներ կը բարձրացնեն զբօսաշրջիկները այսօր` վարչութեան պետը ըսած է, որ ահազանգեր չեն ստացած: «Մեր տուրիզմի (զբօսաշրջութեան-ԵՌԳ․)բաժինը շատ ակտիւ (աշխոյժ-ԵՌԳ․) համագործակցում է տուրօպերատորների (շրջապտոյտներ կազմակերպողներու-ԵՌԳ)․հետ, Երեւանում գործող հիւրանոցների հետ եւ ցանկացած տեղեկատուութիւն` կապուած Երեւան քաղաքում կատարուելիք միջոցառումների հետ, որը խթան է հանդիսանում զբօսաշրջութեան զարգացման գործընթացին, հասանելի է: Մեր տուրիզմի (զբօսաշրջութեան-ԵՌԳ․)բաժինը յստակ աշխատանք է կազմակերպում եւ ոչ մի նման խնդիր չկայ»,- շեշտած է ան:

Ռուբէն Յովհաննիսեան նշած է, որ բազմակի հանդիպումներ եղած են շրջապտոյտներ կազմակերպողներու եւ հիւրանոցները կարգաւորող համապատասխան պատասխանատուներու հետ, եւ անոնց բարձրացուցած հարցերը հիմնականօրէն ձեռնարկներու եւ տեղեկատուութեան հետ կապուած եղած են, որ նախապէս տրուի ծրագիրը:

Երեւանը ընդգրկուած է ռուս զբօսաշրջիկներու համար 2016-ի ամենամատչելի զբօսաշրջային ուղղութիւններու տանսեակին մէջ: Ըստ Oktogo.ru-ի, միջինը Երեւանի մէջ ռուս զբօսաշրջիկը կը մնայ 3,5 օր:

Մարտին ՀՀ տնետեսութեան նախարարութեան զբօսաշրջութեան վարչութեան պետ Մեխակ Ապրեսեան յայտարարած էր, որ դէպի Հայաստան ներգնայ զբօսաշրջիկներու հոսքերուն մէջ ըստ աշխարհագրութեան որոշ փոփոխութիւններ եղած են: Մասնաւորապէս, պակսած է ռուսաստանցի, վրացի, իտալացի ու ֆրանսացի զբօսաշրջիկներուն թիւը, աւելցած` Իրանէն, Արաբական Միացեալ Էմիրութիւններէն, Գերմանիայէն, Սպանիայէն, Աւստրալիայէն, Իրաքէն եկածներուն թիւը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...