News

06
Mar

Հայաստանի Մէջ Գործ Հիմնելու Համար Անհրաժեշտ Պայմաններ Կան. Սուրիահայ Գործարար

khngigianՀայաստանի մէջ սեփական գործ հիմնելու համար կան անհրաժեշտ պայմանները: «Արմենփրես»-­ի մամուլի սրահին մէջ հրաւիրուած ասուլիսի ժամանակ «Սուիրիահայերու միութիւն» կազմակերպութեան խորհուրդի անդամ, գործարար Շանթ Խնկիկեանը նշած է, որ Հայաստանի մէջ դիւրին է գործ հիմնելը:

«Խնդիրը այդ գործը պահելն է: Հայաստանի մէջ շուկան փոքր է, հետեւաբար նոր գործ հիմնող գործարարը սկիզբէն մեծ եկամուտ չի կրնար ունենալ: Սուրիոյ մէջ այդպէս չէր, այնտեղ արտադրութեամբ զբաղողը կարիք չունէր մտածել արտաքին շուկայի մասին, այնտեղ շրջանառութիւնը մեծ էր: Հայաստանի պարագային նոր գործ հիմնող գործարարին անհրաժեշտէ ժամանակ, որ կարենայ շուկաներ գտնել, իսկ այդ ժամանակուան մէջ ցանկալի էր, որ հարկային տեսանկիւնէ բարենպաստ պայմաններ ըլլային»,- ըսած է­ Շանթ Խնկիկեանը:

Ան կը ղեկավարէ «Խնկիկեան էլեկտրոնիքս» ընկերութիւնը, որ կը զբաղի ելեկտրական կազմածներու արտադրութեամբ: Խնկիկեան ընտանիքը այս գործը Հայաստան տեղափոխած է Սուրիայէն 2012-ին: Այստեղ շատ արագ վերակազմակերպած են ելեկտրոնային սարքերու արտադրութիւն դուրսի շուկաները չկորսնցնելու համար, ապրանքներ կ՛արտահանեն արաբական երկիրներ:

«Դժուարութիւններ կան, սակայն այնպէս չէ, որ այստեղ հնարաւոր չէ գործ սկսիլ: Պարզապէս մենք կ՛ակնկալենք, որ քիչ մը պայմանները բարելաւուին, որ պիտի նպաստէ մեր երկրին մէջ արտադրութեան զարգացման»,- ըսած է Շանթ Խնկիկեանը: «Սուրիահայերու միութիւն» կազմակերպութեան անդամները արդէն հանդիպած են վարչապետին հետ, ներկայացուցած են իրենց դիտարկումները մաքսային, հարկային քաղաքականութեան հետ կապուած: Մասնաւորապէս, առաջարկած են, որ այլ երկիրներէ արտադրութեան համար Հայաստան ներմուծուած հումքի նկատմամբ այլ մաքսային արժէք կիրառուի: Առաջարկներուն կ՛ակնկալենք գործնական քայլեր:

«Սուրիահայերու միութիւն» կազմակերպութեան մէջ կայ շուրջ 400 գործարար: Անոնց մէկ մասը ներգրաւուած է սպառման ոլորտին մէջ, իսկ շուրջ 100-­ը կը զբաղին արտադրութեամբ:

«Այստեղ շատ կարեւոր հանգամանք մը կայ, անհրաժեշտ է Հայաստանէն սփիւռքահայերուն ճիշդ ուղերձ հասցնել: Շատերը կը լսեն, որ Հայաստանի մէջ հնարաւոր չէ բան մը ընել եւ այդ խօսակցութիւններու տպաւորութեան տակ որոշումներ կ՛ընդունին: Մենք կը փորձենք մեր օրինակով ցոյց տալ, որ մարդիկ գան այստեղ աշխատին: Դէպի դուրս ճիշդ պատգամ ուղարկելէն բացի, լաւ կ՛ըլլար, որ այստեղ նոյնպէս մարդոց մօտեցումները փոխուին: Մարդը նոր եկած է Հայաստան, թաքսի մը նստի, վարորդը կ՛ըսէ, թէ այստեղէն բոլորը կ՛երթան, դուն ինչու եկած ես: Ու նման խօսակցութիւններ կը լսենք տարբեր տեղեր, ինչ որ, վստահ եղէք կ՛ազդեն»,- ըսած է­ ան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...