News

17
Jan

Հայաստանի Մէջ Կ՝ակնկալեն Յառաջիկայ Հինգ Տարին Ներդրումները ՀՆԱ-ի Նկատմամբ 23-24 Տոկոսի Հասցնել

Հայաստանի կառավարութեան գործունէութեան յառաջիկայ հինգ տարիներու ծրագիրին ծիրէն ներս՝ ամէն ինչ պիտի կատարուի, որ ներդրումները ՀՆԱ-ի նկատմամբ հասնին 23-24 տոկոսի: Այս մասին, կառավարութեան տան մէջ, լրագրողներու հետ զրոյցի մը ընթացքին ըսած է ՀՀ տնտեսական զարգացման եւ ներդրումներու նախարարի պաշտօնակատար Տիգրան Խաչատրեան՝ պատասխանելով այն հարցին, թէ որքան ներդրումներ կը սպասուին 2019-ին:

 

Armenpress.am-ի տեղեկութիւններով՝ ըստ Խաչատրեանի՝ գոյութիւն ունեցող տնտեսավարող կէտերը շարունակաբար կը վերազինեն իրենց արտադրութիւնը, եւ ատիկա այն շարժիչն է, որ պէտք է ապահովէ երկարաժամկէտ կայուն զարգացումն ու մրցունակութիւնը տուեալ կազմակերպութեան շուկային մէջ:

 

«Ցանկացած տնտեսական միաւոր, անկախ ոլորտէն, շարունակաբար կ՝իրականացնէ այդպիսի ներդրումներ: Երբ մենք կը խօսինք ներդրումներու մասին՝ յատկապէս կարեւոր կը համարենք նոր ներդրումային ծրագիրներու իրականացումը. անոնք բազմաթիւ են եւ կը վերաբերին տարբեր ոլորտներու՝ ե՛ւ արդիւնաբերութեան, ե՛ւ ուժանիւթի: Բայց պէտք է գիտնանք նաեւ, որ ցանկացած քննարկում՝ քննարկման փուլէն մինչեւ իրականացում ճանապարհ կ՝անցնի, եւ ատիկա նոր երեւոյթ չէ: Ցանկացած նոր նախաձեռնութիւն ժամանակ կը  պահանջէ, որպէսզի իրականացման հասնի»,- ըսած է ան:

 

Անդրադառնալով այն հարցին, թէ արդեօք 2018-ի խորհրդարանական արտահերթ ընտրութիւններէն ետք ներդրումներու իրականացման առումով դրական շարժ կը նկատուի, Տիգրան Խաչատրեան ըսած է, որ ներդրողներու կողմէ հետաքրքրութիւնը շատ մեծ է. «Ամէն ինչ պիտի ընենք, որ ներդրումները յառաջիկայ հինգ տարին հասնին ՀՆԱ-ի 23-24 տոկոսին: Ի դէպ, գերակշիռ մասը պէտք է կազմեն մասնաւոր ներդրումները: Պետութեան եւ մասնաւոր ներդրումներու հանրագումարը պէտք է կազմէ ՀՆԱ-ի 19 տոկոսը: Այսինքն` մենք կը խօսինք աւելի քան 20 տոկոսով ամենամեայ ներդրումներու ծաւալը ՀՆԱ-ի նկատմամբ աւելցնելու մասին»:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...