News

16
Apr

Հայաստանի Մէջ Պիտի Արտադրուին Թոքերու Արհեստական Շնչառութեան Սարքեր

Կառավարութիւնը 2020 թուականի պետական ամավարկի մէջ վերաբաշխում կատարեց եւ առանց մրցոյթի` դրամաշնորհ տրամադրելու համար գումար յատկացուց Բարձր արհեստագիտութիւններու արդիւնաբերութեան նախարարութեան, կը հաղորդէ “Արմենփրես”-ը:

Որոշումով թոյլ տրուեցաւ Բարձր արհեստագիտութիւններու արդիւնաբերութեան նախարարութեան` նախատեսուած գումարէն Թոքերու արհեստական շնչառական
սարքերու ստեղծման
համար՝ գաղափարի, նախագծման եւ նմուշի նախատիպի մշակման աշխատանքներու իրականացման նպատակով 2020-ի առաջին կիսամեակին «Ինժիներական ասոցիացիա» (ճարտարարուեստի միութիւն-ԵՌԳ․) հասարակական
կազմակերպութեան առանց մրցոյթի որպէս դրամաշնորհ տրամադրէ 90 միլիոն դրամ:

Բարձր արհեստագիտութիւններու արդիւնաբերութեան նախարար Յակոբ Արշակեան նշեց, որ «Քորոնա» ժահրի դէմ պայքարի ծիրէն ներս նախարարութիւնը յայտարարած էր թոքերու արհեստական շնչառական
սարքերու ստեղծման
գաղափարներու մասնագիտական
ուսումնասիրութեան, նախագծման աշխատանքներու գործընթաց, եւ ստացած է 300 յայտ ու առաջարկ:

«Այս որոշումով հնարաւորութիւն պիտի ունենանք
թոքերու արհեստական շնչառութեան սարքերու ներքին պահանջարկը բաւարարել, աջակցիլ առողջապահական
համակարգին»,- ըսած է ան՝ աւելցնելով, որ 4-6 ամսուան ընթացքին հնարաւոր է գալ արտադրական
վիճակի եւ ունենալ աշխատող սարքաւորում: Նախարարին խօսքով`  այդ պարագային սարքերը
շուկայական գինէն կրկնակի աժան պիտի ըլլան: Հնարաւորութիւն պիտի ունենան
ամսական արտադրել 40-50 սարք:

«Ներկայիս համավարակի պատճառով
ամբողջ աշխարհի մէջ առկայ է աւելի քան 880 հազար թոքերու արհեստական շնչառական
սարքի պահանջարկ: Սա նաեւ հնարաւորութիւն է, որ հայկական ճարտարարուեստի ընկերութիւնները
կարենան մուտք գործել բժշկական
սարքերու արտադրման
շուկայ, որ շատ նեղ ու լուրջ շուկայ է»,-ընդգծած է Արշակեան:

Վարչապետ Նիկոլ Փաշինեան իր հերթին նշեց, որ թէեւ կայ տեսակէտ,
որ եղանակը երբ սկսի տաքնալու «Քորոնա»
ժահրի համաճառակը անկում կրնայ
ունենալ, բայց հնարաւոր է, որ աշնան, յետոյ նաեւ ձմրան ունենանք վարակի թիւի աճ: Այնպէս որ, վարչապետը կարեւոր համարեց նախագիծը:

Առողջապահութեան նախարար Արսէն Թորոսեան նկատել տուաւ, որ եթէ նոյնիսկ համաճարակը անցնի, այդ սարքերը
մեզի պէտք
պիտի ըլլան, որովհետեւ անոնք ընթացքին շարքէ դուրս կու գան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...