News

03
Apr

Հայաստանի Ռուսամէտ Նախագահը Մտադիր է Մնալու Իշխանութեան․ Financial Times

serj-electionՀայաստանի ռուսամէտ նախագահը պիտի շարունակէ մնալ իշխանութեան ղեկին, քանի որ անոր կուսակցութիւնը ամենաշատ ձայները հաւաքած է ընտրութիւններուն: Այս մասին՝ըստ 1in.am-ի՝ կը գրէ Financial Times պարբերականը` անդրադառնալով Հայաստանի Ազգային ժողովի ընտրութիւններուն:

«97 տոկոս ընտրատեղամասերու ձայներու հաշուարկէն ետք Սերժ Սարգսեանի Հանրապետական կուսակցութիւնը հաւաքած է ձայներուն 49.9 տոկոսը Կիրակի կայացած ընտրութիւններուն: Ընդդիմադիր դաշինքներէն մէկը («Ծառուկեան» դաշինքը-խմբ.) հաւաքած է 27.9 տոկոս»,- կ՛ըսուի յօդուածին մէջ:

Պարբերականը կը յիշեցնէ 2015-ի հանրաքուէի մասին, որուն արդիւնքներով Հայաստան անցում կատարեց խորհրդարանական կառավարման ձեւին. չի բացառուիր, որ Սերժ Սարգսեան 2018-ին դառնայ Հայաստանի վարչապետ:

Սարգսեանի քաղաքական հակառակորդները կ՛ըսեն, որ բարեփոխումները ձեռնարկուած են, որպէսզի 62-ամեայ նախագահը կարենայ պահել իշխանութիւնը երկրորդ տասնամեակին, ինչ որ հնարաւոր է կա՛մ դերի փոփոխութեան` վարչապետ դառնալու, կա՛մ յետին ծրագրով իշխանութեան միջոցով` որպէս կուսակցութեան առաջնորդ:

Վերջին տարիներուն Հայաստան միջոցներ կը ձեռնարկէ Եւրոմիութեան հետ յարաբերութիւնները խորացնելու համար, միեւնոյն ժամանակ երկիրը կը հիմնուի Մոսկուայի ֆինանսական օգնութեան, ներդրումներու, Ռուսիոյ հետ առեւտուրի վրայ: Հայաստան, որ ելք չունի դէպի ծով, տուժած է Ռուսիոյ տնտեսութեան անկման պատճառով. անցած տարի Հայաստանի ՀՆԱ-ն կրճատուած է 0.2 տոկոսով:

Յօդուածագիրը կը նշէ նաեւ, որ Դաշնակցութիւն կուսակցութիւնը, որը համաձայնական կառավարութեան մէջ է գործող իշխանութիւններուն հետ, կրկին հնարաւորութիւն ստացած է մտնել խորհրդարան: Եթէ երկու կուսակցութիւնները համաձայնին շարունակելու համագործակցութիւնը, ինչ որ, ըստ ամենայնի, հնարաւոր է, Սարգսեան վարչապետ դառնալու իրաւունք կ՛ունենայ:

Յօդուածագիրը, վկայակոչելով Transparency International իրաւապաշտպան կազմակերպութեան, կը գրէ, որ ընտրութիւններու ընթացքին արձանագրուած է աւելի քան 2000 խախտում:

«Եւրոմիութիւնը ֆինանսական եւ տեխնիկական աջակցութիւն առաջարկած էր Կիրակի օրը կայանալիք ընտրութիւններուն համար, Երեւանի մէջ միութեան ներկայացուցիչները անցած շաբաթ նախազգուշացուցած էին ընտրողները ահաբեկելու, կաշառելու, որոշ կուսակցութիւններուն աջակցելու նպատակով վարչական ուժերը կիրառելու մասին»,- կը գրէ յօդուածագիրը:

Վերջաւութեան Financial Times-ը կը յիշեցնէ 2016ին Հայաստանի մէջ տեղի ունեցած ցոյցերուն մասին եւ, վկայակոչելով Human Rights Watch իրաւապաշտպան կազմակերպութեան զեկոյցը, կը գրէ, որ խաղաղ ցուցարարներուն դէմ կիրառուած է անհամաչափ ուժ, բացի այդ` յարձակումներ տեղի ունեցած են նոյնիսկ լրագրողներու վրայ, իսկ ցոյցերու առաջնորդներուն եւ մասնակիցներու դէմ անհիմն քրէական մեղադրանքներ առաջադրուած են:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...