News

31
Jan

Հայաստանի Տնտեսական Աշխուժութեան Ցուցանիշը Աճած է 5.8 Տոկոս

Հայաստանի Հանրապետութեան տնտեսական աշխուժութեան ցուցանիշը (ՏԱՑ) 2018 Յունուար-Դեկտեմբերին 5.8 տոկոսով աճած է 2017-ի համեմատ: Նախորդ տարուան Դեկտեմբերին՝ 2017 Դեկտեմբերի համեմատ՝ ՏԱՑ-ը աճած է 6.4 տոկոս: ՀՀ ազգային վիճակագրական ծառայութիւնը ներկայացուցած է երկրի հասարակական-տնտեսական վիճակը բնութագրող ընթացիկ-գործնական ամփոփումով պատրաստուած նախնական հիմնական փոքր-տնտեսական ցուցանիշները: Անկում արձանագրուած է միայն գիւղատնտեսութեան համախառն արտադրանքի ծաւալներուն մէջ:

2018 Յունուար-Դեկտեմբերի ցուցանիշներով՝ շինարարութեան ոլորտէն ներս աճը կազմած է 4.5 տոկոս: Ելեկտրականութեան արտադրութեան ցուցանիշը՝ 0.2 տոկոսով աւելցած է նախորդ տարուան նոյն ժամանակահատուածին համեմատ: Ծառայութիւններուն ծաւալը (առանց առեւտուրի) աճած է 18.8 տոկոս: Գիւղատնտեսութեան համախառն արտադրանքի ծաւալը նուազած է 7.6 տոկոս:

Սպառողական գիներու ցուցանիշը աւելցած է 2.5 տոկոս, իսկ արդիւնաբերական արտադրանքի գիներուն ցուցանիշը` 1.6 տոկոս:

Առեւտուրի շրջանառութիւնը աւելցած է 8.7 տոկոս: Արդիւնաբերական արտադրանքի ծաւալը 4.3 տոկոս աւելի է 2017 Յունուար-Դեկտեմբերի համեմատ: Միջին ամսական անուանական աշխատավարձը աճած է 3.8 տոկոս (172,357 դրամ): Պետական հատուածէն ներս՝ միջին ամսական անուանական աշխատավարձը կազմած է 147,362 դրամ, նախորդ տարուան համեմատ աճելով 1.6 տոկոս, իսկ մասնաւոր հատուածին համար կազմած է 186,719 դրամ` աճելով 4 տոկոս:

Արտաքին ապրանքաշրջանառութեան ծաւալները 2018 Յունուար-Դեկտեմբերին՝ նախորդ տարուան նոյն ժամանակահատուածին համեմատ՝ աճած են 16.4 տոկոս, ի դէպ` արտահանումը աճած է 7.8 տոկոս, իսկ ներմուծումը` 21.1 տոկոս: Դրամին փոխարժէքը ԱՄՆ տոլարի նկատմամբ 2018 Յունուար-Դեկտեմբերին եղած է 482.99:

Բոլոր բացարձակ ցուցանիշները ներկայացուած են ընթացիկ գիներով:

 

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...