News

02
Jun

Հայաստանի Տնտեսական Զարգացման Նուիրուած Շնորհանդէս Գահիրէի Մէջ

Cairo-armՄայիս 30-ին «Կայուն զարգացման եգիպտական խորհուրդ»-ին կողմէ Գահիրէի մէջ կազմակերպուած էր Հայաստանի տնտեսական զարգացման նուիրուած շնորհանդէս, որուն ծիրէն ներս Եգիպտոսի մէջ ՀՀ դեսպան Արմէն Մելքոնեանը եգիպտացի գործարարներուն ներկայացուցած է Հայաստանի տնտեսական զարգացման շարժառիթները, ներդրումային եւ արտահանման հնարաւորութիւնները: Այս մասին կը հաղորդէ ՀՀ ԱԳ նախարարութեան մամլոյ վարչութիւնը։

ՀՀ դեսպանը խօսած է Հայաստանի անկախութեան 25 տարիներու ընթացքին արձանագրուած ձեռքբերումներու, տնտեսութեան զարգացման գերակայ ուղղութիւններու, օտարերկրեայ ուղիղ ներդրումներու խրախուսման ուղղութեամբ ՀՀ կառավարութեան կողմէ ձեռնարկուած քայլերուն, դրամավարկային քաղաքականութեան, ինչպէս նաեւ առկայ մարտահրաւէրներուն մասին, ներկաներուն ծանօթացուցած է Հայաստանի մէջ գործող ազատ առեւտուրի գօտիներու եւ ԵԱՏՄ անդամակցութեան ընձեռած հնարաւորութիւններուն:

Դեսպան Մելքոնեան անդրադարձած է հայ-եգիպտական տնտեսական յարաբերութիւններուն` առանձնայատուկ ընդգծելով առկայ մեծ ներուժը: Ան առանձնացուցած է երկկողմ համագործակցութեան առաւել հեռանկարային ոլորտները, կարեւորած է գործարար շրջանակներու միջեւ ուղիղ կապերու հաստատումը: Այս ծիրէն ներս ՀՀ դեսպանը բարձր գնահատած է 2014 թուականի Մայիսին «Կայուն զարգացման եգիպտական խորհուրդ»-ին կողմէ կազմակերպուած եգիպտացի գործարարներու այցը Հայաստան եւ յոյս յայտնած, որ նման շփումները շարունակուին նաեւ ապագային:

Դեսպան Մելքոնեանի ելոյթին յաջորդած քննարկման հայ-եգիպտական առեւտրա-տնտեսական յարաբերութիւններու զարգացման իրենց տեսակէտները ներկայացուցած են խորհուրդի անդամները, Եգիպտոսի գործարար շրջանակներու ներկայացուցիչները:

Այնուհետեւ ՀՀ դեսպանը պատասխանած է ներկաները հետաքրքրող բազմաթիւ հարցերու:

Տեղեկանք. «Կայուն զարգացման եգիպտական խորհուրդ»-ը տարբեր ոլորտներու գործարարներու միաւորող Եգիպտոսի ամենահեղինակաւոր կազմակերպութիւններէն մէկն է: 2013 թուականին համագործակցութեան յուշագիր ստորագրուած է Եգիպտոս մէջ ՀՀ դեսպանութեան եւ Խորհուրդին միջեւ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...