News

31
Jan

Հայաստան Կը Ցանկայ Իրանի Հետ Պաշտպանական Ոլորտին Մէջ Ընդլայնել Համագործակցութիւնը․ Վիգէն Սարգսեան

iran-armԻրան անընդունելի կը համարէ տարածաշրջանային խնդիրներու լուծումը ուժի կիրառմամբ,-իրանի Պաշտպանութեան տեղեկատուութեան եւ քարոզչութեան վարչութեան փոխանցմամբ` այսօր առաւօտեան ՀՀ պաշտպանութեան նախարար Վիգէն Սարգսեանի հետ հանդիպման ժամանակ յայտարարած է ԻԻՀ պաշտպանութեան եւ ԶՈՒ աջակցման նախարար Հոսէյն Տեհղանը:

Իրանի պաշտպանական գերատեսչութեան ղեկավարը, իր գոհունակութիւնը յայտնելով հայ-իրանական զարգացող յարաբերութիւններու առնչութեամբ, ըսած է. «Իրան, ունենալով 15 հարեւան, միշտ կը ձգտի իր հարեւաններուն հետ բարիդրացիական եւ բարձր մակարդակի յարաբերութիւններ հաստատել», կը տեղեկացնէ panorama.am-ը:

Հոսէյն Տեհղան, անդրադառնալով տարածաշրջանային հակամարտութիւններուն, մասնաւորապէս ըսած է. «Տարածաշրջանային խնդիրներու լուծումը ուժի կիրառմամբ անընդունելի է: Անոնց լուծումը բացառապէս պէտք է տեղի ունենայ խաղաղ ճանապարհով` բանակցութիւններու միջոցով, եւ Իրանը այդ գործընթացին աջակցելու համար ոչ մէկ ջանք կը խնայէ»:

Հայաստանի պաշտպանութեան նախարար Վիգէն Սարգսեան, կարեւոր համարելով տարածաշրջանին մէջ Իրանի ունեցած դերակատարութիւնը, վստահեցուցած է, որ Հայաստան պատրաստակամ է Իրանի հետ ընդլայնել իր համագործակցութիւնը եւ բարձրացնել երկկողմ յարաբերութիւններու մակարդակը: Հայաստան կը ցանկայ Իրանի հետ պաշտպանական ոլորտին մէջ ընդլայնել համագործակցութիւնը, համոզուած ենք, որ այցը պիտի նպաստէ յետագայ համագործակցութեան»:

Վիգէն Սարգսեան, ողջունելով Իրանի դերակատարութիւնը ԼՂ հակամարտութեան կարգաւորման գործին, համոզուած է , որ հակամարտութիւնը ռազմական լուծում չունի։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...