News

17
Jan

«Հայաստան» Հիմնադրամը Տարբերանշանի Մրցոյթ կը Յայտարարէ

«Հայաստան» համահայկական հիմնադրամը կը յայտարարէ Հիմնադրամի տարբերանշանի եւ վերաոճաւորման (rebranding) առաջարկներու բաց մրցոյթ։

 

«Հայաստան» համահայկական հիմնադրամի տեղեկութիւններով՝ մրցոյթը նպատակ ունի վերաիմաստաւորելու Հիմնադրամին դերը իբրեւ Համահայկական ամբողջական ներուժը միաւորող, մեր Հայրենիքի հանդէպ հոգատարութիւն դրսեւորող կառոյց։ Տարբերանշանի վերաոճաւորման հայեցակարգը պէտք է ներառնէ Հիմնադրամին անուանումը հայերէն («Հայաստան» համահայկական հիմնադրամ) եւ անոր կիրառման հնարաւորութիւն տայ նաեւ անգլերէն, ռուսերէն եւ ֆրանսերէն լեզուներով։ Տարբերանշանը պէտք է ըլլայ ժամանակակից ու նորարարական լուծումներով, արտայայտէ Հիմնադրամի առաքելութիւնը։

 

Ըստ աղբիւրին՝ մրցոյթին կրնան մասնակցիլ բոլոր հետաքրքրուած կազմակերպութիւնները կամ անձինք՝ անկախ բնակութեան վայրէն, մասնագիտութենէն եւ քաղաքացիութենէն։ Մշակուած առաջարկի փաթեթը պէտք է ներառնէ տարբերանշանի էսքիզն ու անոր կիրառման հնարաւոր տարբերակները։ Անիկա պէտք է ներկայացուի ելեկտրոնային եղանակով՝ հայերէն կամ անգլերէն, առաւելագոյնը 10 էջէ բաղկացած Adobe Acrobat Reader (PDF) ձեւաչափով, որ պէտք չէ գերազանցէ 20 ՄՊ-ը։

 

Յայտի փաթեթը պէտք է կազմուած ըլլայ շարք մը բաղադրիչներէ, ինչպէս՝ տարբերանշանի էսքիզ, ունենայ կիրառման հնարաւոր լուծումներ (գունաւոր, մոնոխրոմ, մեծ չափերով՝ պաստառի վրայ, փոքր չափերով՝ այցեքարտի համար, տարբեր այլ կիրառման հնարաւորութիւններ), գաղափարի հակիրճ նիւթի նկարագրութիւն, գաղափարի հեղինակներու մասին տեղեկատւութիւն, ինչպէս նաեւ իւրաքանչիւրի մասնակցութիւնը ներկայացուած փաթեթի մշակման գործին մէջ։

 

Նշենք, որ յայտերը կ՝ընդունուին մինչեւ Փետրուար 16-ը ներառեալ: Յայտը պէտք է ուղարկել d.banuchyan@himnadram.org ելեկտրոնային փոսթի հասցէին՝ վերնագիր (subject) տողին վրայ նշելով New Himnadram Re-Branding բառակապակցութիւնը։ Լաւագոյն երեք տարբերանշաններուն ընտրութիւնը տեղի պիտի ունենայ Փետրուար 18-22 ինկած ժամանակահատուածին: Հանրային քննարկումը պիտի կայանայ Փետրուար 23-27-ի ընթացքին: Վերջնական տարբերանշանի ընտրութիւնը տեղի պիտի ունենայ Մարտ 8-ին:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...