News

04
Sep

«Հայաստան» Հիմնադրամի Գործադիր Տնօրէնի Թափուր Պաշտօնին Համար Աշխարհի 7 Երկիրներէ 42 Դիմում Եղած է

 «Հայաստան» համահայկական հիմնադրամը կը տեղեկացնէ, որ գործադիր տնօրէնի պաշտօնի համար յայտարարուած մրցոյթը աւարտած է Օգոստոս 31-ի կէսգիշերին: Հիմնադրամը ստացած է 42 դիմում 7 տարբեր երկիրներէ (Հայաստան, Ռուսիա, ԱՄՆ, Մեծ Բրիտանիա, Ֆրանսա, Զուիցերիա, Լիբանան): Դիմումներուն մեծ քանակը կը փաստէ պաշտօնի նկատմամբ յայտատուներու մեծ հետաքրքրութիւնը:

Ընտրող յանձնաժողովը ուշադրութեամբ պիտի քննէ դիմումները: Ժողովը տեղի պիտի ունենայ 2018-ի Սեպտեմբեր 10-ին, Երեւանի մէջ: Յանձնաժողովին պիտի մասնակցին Հայաստանի եւ Արցախի նախագահներու, ՀՀ վարչապետի ներկայացուցիչները, Հիմնադրամի հոգաբարձուներու խորհրդի անդամ Ալպերթ Պօղոսեանը (Զուիցերիա): Յանձնաժողովը պիտի գլխաւորէ Հիմնադրամի գործադիր տնօրէնի ժամանակաւոր պաշտօնակատար Պետրոս Թերզեանը (Ֆրանսա):

Դիմումները քննարկելէ ետք յանձնաժողովը ընտրուած թեկնածուն պիտի ներկայացնէ Հայաստանի նախագահ,  «Հայաստան» համահայկական հիմնադրամի հոգաբարձուներու խորհուրդի նախագահ Արմէն Սարգսեանի հաւանութեան։ Ան իր հերթին առաջադրուած թեկնածուն պիտի ներկայացնէ Հիմնադրամի հոգաբարձուներու խորհուրդի հաստատման: Ատկէ ետք միայն թեկնածուն պիտի ստանձնէ Հիմնադրամի գործադիր տնօրէնի պաշտօնը: Ան պիտի պարտաւորուի բարեփոխել եւ առաւել հզօրացնել այս եզակի կառոյցը, որ վերջին 26 տարուան ընթացքին հսկայական ներդրում ունեցած է Հայաստանի եւ Արցախի ընկերա-տնտեսական զարգացման գործին:

Հիմնադրութեան առաջին օրէն` 1992-էն սկսած, «Հայաստան» համահայկական հիմնադրամը իրականացուցած է 1100 խոշոր ծրագիր եւ հազարաւոր այլ կարեւոր ծրագիրներ Հայաստանի ու Արցախի մէջ: Անոնց  ընդհանուր արժէքը կազմած է աւելի քան 350 միլիոն տոլար: Հիմնադրամի հոգաբարձուներու խորհուրդը բաղկացած է Հայաստանի, Արցախի ու Սփիւռքի քաղաքական եւ կրօնական բարձրագոյն պատասխանատուներէն, ինչպէս նաեւ աշխարհի մէջ հեղինակութիւն վայելող անհատներէ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...