News

22
Apr

Հայոց Ցեղասպանութեան Հարցով Թրքական Կազմակերպութիւններ Գանատայի Վարչապետին կը Դիմեն

canada-turkey

Գանատական թրքական կազմակերպութիւններու համախմբումը եւ Գանատայի թրքական համագումարը Ապրիլ 16 թուակիր նամակով մը դիմած են Գանատայի վարչապետ Ճասթին Թրուտոյին, ուր անուղղակի փորձ կը կատարեն համոզելու Գանատայի վարչապետին վերատեսութեան ենթարկելու Հայոց Ցեղասպանութիւնը ճանչնալու Գանատայի պետական կեցուածքը։

Գանատայի «Հորիզոն» շաբաթաթերթին հաղորդած տեղեկութիւններով՝ նամակին մէջ յատուկ շեշտ կը դրուի Հայոց Ցեղասպանութեան «վիճելի» հարցը պատմաբաններու եւ ակադեմականներու յանձնելու անհրաժեշտութեան վրայ։

Նամակի հեղինակները կը յայտնեն նաեւ, որ Հայոց Ցեղասպանութեան ճանաչումը հաստատելով, Գանատայի պետութիւնը քաղաքական եւ դիւանագիտական հարուած կը հասցնէ ՆԱԹՕ-ի իր դաշնակիցին եւ G-20-ի իր գործընկերոջ։

Թրքական կազմակերպութիւնները կը պահանջեն նաեւ Գանատայի կառավարութենէն, որպէսզի ամէնամեայ Ապրիլ 24-ի իր յայտարարութեան մէջ չկրկնէ իր նախորդներու «սխալը»՝ 1915-ի դէպքերը ցեղասպանութիւն որակելու ընթացքը։

Նամակի աւարտին վերոնշեալ կազմակերպութիւնները կը խնդրեն հանդիպում ունենալ վարչապետ Թրուտոյի հետ, որպէսզի քննարկեն Հայոց Ցեղասպանութեան հարցը։

Նշենք, որ Գանատայի Խորհրդարանը 2004-ին ճանչցած է Հայոց Ցեղասպանութիւնը, իսկ նախկին վարչապետ Սթիվըն Հարփըրի կառավարութիւնը 2006-ին ընդունած է Հայոց Ցեղասպանութիւնը որպէս պետական քաղաքականութիւն։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...