News

26
Jun

Հայոց Ցեղասպանութեան Ճանաչման Վերաբերեալ Օրինագիծը Հանուած է Իսրայէլի Խորհրդարանին Օրակարգէն

f5b3214871e17f_5b3214871e1be

Ինչպէս կը կանխատեսուէր, Թուրքիոյ մէջ տեղի ունեցած նախագահական եւ խորհրդարանական ընտրութիւններուն իբրեւ արդիւնք՝ Ռեճեփ Թայիփ Էրտողանի եւ անոր գլխաւորած դաշինքին արձանագրած յաղթանակէն ետք, Իսրայէլի խորհրդարանին մէջ Հայոց Ցեղասպանութեան ճանաչման օրինագիծի, Յունիս 25-ին նախանշուած քննարկումը, քուէարկութեան նախօրէին, ուշ երեկոյեան, օրակարգէն հանուած է: Այս մասին, դիմատետրի իր էջին վրայ գրած է արաբագէտ, տարածաշրջանային հարցերով փորձագէտ Արմէն Պետրոսեան:

Ըստ փորձագէտին` պատճառը այն է, որ իշխող համախառն կառավարութիւնը հրաժարած է աջակցելու նախագիծին, իսկ փաստաթուղթը հեղինակած ընդդիմադիր «Մերեց» կուսակցութեան ղեկավար Թամար Զանտպըրկը ետ կանչած է զայն:

Իշխող համախառն կառավարութիւնը յայտարարած է, որ յառաջիկային պիտի ներկայացնէ խնդիրին վերաբերեալ սեփական «այլընտրանքային» օրինագիծը, որուն մէջ, ըստ որոշ տեղեկութիւններու, Հայոց մեծ Եղեռնը պիտի բնութագրուի «ողբերգութիւն» եզրով, ի տարբերութիւն նախորդ օրինագիծերուն մէջ կիրառուած «ցեղասպանութիւն» եզրին:

«Ի դէպ, հարկ է յիշեցնել, որ դեռ Յունիս 11-ին, Խորհրդարանին մէջ «Մերեց» կուսակցութեան կողմէ ներկայացուած օրինագիծին քննարկումը Իսրայէլի ԱԳՆ-ին խնդրանքով յետաձգուած էր՝ Թուրքիոյ մէջ իրականացուելիք ընտրութիւններուն «Էրտողանի յաղթանակին չաջակցելու» հիմնաւորումով, մինչդեռ իրական պատճառը, որ տրամագծօրէն հակառակ նպատակը կը հետապնդէր, դարձեալ «ջուրի երես» եկաւ:

Կասկածէ վեր է՝ տարածաշրջանին մէջ կանխատեսուող յոյժ կարեւոր զարգացումները հիմք ընդունելով՝ Իսրայէլ-Թուրքիա «գաղտնի սիրախաղ»-ը պիտի շարունակուի նոր թափով ու դրսեւորումներով»,- նկատած է փորձագէտը:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...