News

02
Jun

Հայ Դատը Կը Զօրակցի Պըրնի Սենտըրզի Նախագահական Ընտրապայքարին

bernie_sanders

Արեւմտեան Ամերիկայի Հայ Դատի յանձնախումբը Չորեքշաբթի, Յունիս 1-ին յայտարարեց, թէ որոշած է զօրակցիլ Միացեալ Նահանգներու նախագահական ընտրութեան Դեմոկրատ կուսակցութեան թեկնածու դառնալու համար պայքարող Պըրնի Սենտըրզին, կը հաղորդէ “Ասպարէզ”-ը։

Քալիֆորնիոյ մէջ նախնական ընտրութիւնները տեղի պիտի ունենան Յունիս 7-ին, ուստի Հայ Դատը կոչ կ՛ընէ շրջանի հայութեան՝ Սենտըրզի ի նպաստ քուէարկելու, նկատի ունենալով, որ ան լաւագոյն թեկնածուն է առաջ մղելու համար Քալիֆորնիոյ հայութեան համախոհ արտաքին քաղաքականութիւն մը եւ պաշտպան կը կանգնի միջազգային մարդասիրական սկզբունքներուն։

“Արեւմտեան Ամերիկայի Հայ Դատի յանձնախումբը հպարտ է Պըրնի Սենտըրզին աջակցելու իր որոշումով՝ զայն նկատելով միակ թեկնածուն, որ շարունակաբար նեցուկ կանգնած է Հայ Դատին”, կը յայտնէ Արեւմտեան Ամերիկայի Հայ Դատի յանձնախումբի ատենապետուհի Նորա Յովսէփեան։

Իբրեւ Միացեալ Նահանգներու Ներկայացուցիչներու տան անդամ (1991-2007) եւ ծերակուտաական (2008-էն սկսեալ), Պըրնի Սենտըրզ զօրակցած է Հայոց Ցեղասպանութեան ճանաչումը պահանջող բանաձեւերուն, Ատրպէյճանի տրամադրուող ռազմական օժանդակութիւնները սահմանափակելու քայլերուն, ինչպէս նաեւ՝ Թուրքիոյ կողմէ բռնագրաւուած հայկական եւ քրիստոնէական եկեղեցական կալուածներուն վերադարձը պահանջելու ջանքերուն։

Միւս կողմէ, Հիլըրի Քլինթըն, իբրեւ ծերակուտական եւ 2008-ի նախագահական թեկնածու, նեցուկ կանգնած է ամերիկահայութիւնը յուզող հարցերուն, ինչպէս նաեւ խոստացած է ճանչնալ Հայոց Ցեղասպանութիւնը, սակայն արտաքին գործոց նախարարի պաշտօնը ստանձնելէն ետք՝ ան դրժած է իր խոստումը՝ պնդելով, որ Հայոց Ցեղասպանութիւնը »պատմական բանավէճի ենթակայ նիւթ մըն է”։ Նաեւ, արտաքին գործոց նախարարի պաշտօնը ստանձնելէն քիչ ետք, ան նախաձեռնած է Հայաստան-Թուրիքա արձանագրութեանց վտանգաւոր քայլին, իսկ Արցախի տագնապին նկատմամբ իր կեցուածքը եւ յատկապէս Ատրպէյճանի զինուորական գործողութիւնները չդատապարտելու իր դիրքը զինուորական եւ քաղաքացիական զոհեր պատճառած են՝ աւելի բարդացնելով տագնապին խաղաղ լուծում մը գտնելու ջանքերը։ Անոր արարքները ցոյց կու տան, թէ Ատրպէյճանի մէջ Միացեալ Նահանգներու քարիւղի շահերը առաջ մղելը Քլինթընի համար աւելի՛ կարեւոր էր, քան՝ արդարութեան եւ մարդկային իրաւանց ի նպաստ քայլերը։ Ան իր »Դժուար Ընտրանքներ« հատորին մէջ յստակօրէն գրած է, թէ Հայաստան-Թուրքիա արձանագրութեանց եւ Կովկասի մէջ ամերիկեան այլ քայլերու առաջնահերթ նպատակը ոչ թէ անպայման խաղաղութիւն հաստատելն էր, այլ՝ ամերիկեան շահերը առաջ մղելը։

“Պըրնի Սենտըրզի դրական կեցուածքները նկատի ունենալով եւ զանոնք համեմատելով ամերիկահայութիւնը յուզող հարցերուն ընդդիմանալու Հիլըրի Քլինթընի մտահոգիչ քայլերուն, այն համզումը ունինք, որ իբրեւ նախագահ՝ Սենտըրզ աւելի մեծ հաւանականութիւն ունի նեցուկ կանգնելու արտաքին քաղաքականութեան մեր համայնքի նախապատուութեանց«, կ՛աւելցնէ Յովսէփեան։

Ստորեւ՝ Պըրնի Սենտըրզի հայանպաստ քայլերը.

– 104-րդ Քոնկրեսին մէջ (1995-1996) ան ի նպաստ քուէարկած է Թուրքիոյ տրամադրուող օժանդակութեանց գումարը 3 միլիոն տոլարով նուազեցնելու առաջարկին, որովհետեւ կը կարծուէր, թէ Թուրքիա այդքան գումար կը ծախսէ Հայոց Ցեղասպանութեան ուրացման համար։

– 104-րդ Քոնկրեսին մէջ ի նպաստ քուէարկած է այն առաջարկին, որուն նպատակն էր կասեցնել օժանդակութիւնները այն երկիրներուն, որոնք դէմ կը կանգնին կարօտեալ երկրի մը մարդասիրական օժանդակութիւններ հասցնելու ջանքերուն։ Առաջարկին թիրախներէն մէկն էր Թուրքիան, որ Հայաստանի դէմ շրջափակում հռչակած էր։

– 105-րդ Քոնկրեսին մէջ (1997-1998) ի նպաստ քուէարկած է այն առաջարկին, որ Ատրպէյճանին տրամադրուող ռազմական օժանդակութիւնները կը սահմանափակէր, Հայաստանի եւ Արցախի դէմ անոր ռազմական գործողութիւններուն պատճառով։

– 105-րդ Քոնկրեսին մէջ ստորագրած է Սպիտակ տան յղուած նամակ մը՝ պահանջելով դադրեցնել »Սիհոք« ռազմական ուղղաթիռներուն Թուրքիոյ վաճառքը, նկատի ունենալով Թուրքիոյ մէջ շարունակուող մարդկային իրաւանց ոտնակոխումները։

– 106-րդ Քոնկրեսին մէջ (1999-2000) համահովանաւորած է Հայոց Ցեղասպանութեան ճանաչումը պահանջող եւ այդ գծով ամերիկացի դիւանագէտներուն յարմար մարզում տրամադրելուն առնչուող բանաձեւը (թիւ 398)։

– 107-րդ Քոնկրեսին մէջ (2001-2002) ստորագրած է Ապրիլ 2002 թուակիր եւ Սպիտակ տան յղուած նամակ մը՝ կոչ ընելով նախագահ Պուշին, որ ճանչնայ Հայոց Ցեղասպանութիւնը։

– 108-րդ Քոնկրեսին մէջ (2003-2004) ի նպաստ քուէարկած է այն առաջարկին, որուն նպատակն էր Թուրքիոյ տրամադրուող օժանդակութիւնները նուազեցնել, Իրաքի մէջ ամերիկեան շահերուն դէմ Անգարայի կողմէ առնուած քայլերուն պատճառով։

– 108րդ Քոնկրեսին մէջ ստորագրած է Ապրիլ 2003 թուակիր եւ Սպիտակ տան յղուած նամակ մը՝ կոչ ընելով նախագահ Պուշին, որ ճանչնայ Հայոց Ցեղասպանութիւն։

– 108-րդ Քոնկրեսին մէջ ստորագրած է Ապրիլ 2004 թուակիր եւ Սպիտակ տան յղուած նամակ մը, կոչ ընելով նախագահ Պուշին, որ ճանչնայ Հայոց Ցեղասպանութիւնը։

– 112-րդ Քոնկրեսին մէջ (2011-2012) համահովանաւորած է Թուրքիոյ կողմէ բռնագրաւուած քրիստոնէական եկեղեցական կալուածներուն վերադարձը պահանջող թիւ 392 բանաձեւը։

– 112-րդ Քոնկրեսին մէջ համահովանաւորած է Հայոց Ցեղասպանութեան ճանաչումը պահանջող թիւ 399 բանաձեւը։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...