News

22
Jun

Հայ Դատի Յանձնախումբը ԱՄՆ-ին Յորդորած է 5 Միլիոն Տոլար Տրամադրել Արցախին

artsakhՆերկայացուցիչներու պալատի ենթայանձնաժողովը Յունիս 23-ին պիտի քննարկէ ԱՄՆ 2017 թուականի ֆինանսական տարուայ պիւտճէի նախագիծը, ուր պիտի նախանշուին արտաքին օգնութեան առաջնահերթութիւնները:

Հայ դատի ԱՄՆ յանձնախումբը յորդորած է 2017 թուականի ֆինանսական տարուայ ծիրէն ներս Լեռնային Ղարաբաղին տրամադրել 5 միլիոն տոլարի օգնութիւն, կը հաղորդէ «Արցախփրես»-ը:

Մասնաւորապէս, յանձնախումբէն նշած են, որ այդ գումարը պիտի ներդրուի մարդասիրական եւ զարգացման ծրագիրներու մէջ` որոնց մէջ Լէյտի Քօքսի վերականգնողական կեդրոնի ընդլայնումն ու արդիականացումը, տարածաշրջանային դարմանական ծառայութիւնները, որոնք կը ծառայեն ֆիզիկական ու մտաւոր արատներ ունեցող երեխաներուն ու մեծահասակներուն:

Հայ դատի յանձնախումբի անդամները կոչ ըրած են զերոյացնել Ատրպէյճանին տրամադրուող ռազմական աջակցութիւնը, քանի դեռ այդ երկրի ղեկավարները չեն համաձայնած Ռոյս-էնկել առաջարկներուն. այն է` շփման գիծէն ետ քաշել դիպուկահարներուն ու ծանր ռազմական սարքերը, աւելցնել ԵԱՀԿ դիտորդներուն թիւը, կանգնեցնել հրադադարի խախտումները արձանագրող համակարգ:

Յանձնախումբէն առաջարկած են Հայաստանին տրամադրել 40 միլիոն տոլար, որ ուղղուած պիտի ըլլայ հայ-ամերիկեան առեւտրային եւ ներդրումային յարաբերութիւններու աճին: Բացի այդ, յանձնախումբը առաջարկած է Հայաստանին տրամադրել եւս 10 միլիոն տոլար` օգնել տեղաւորելու Սուրիայէն ու Միջին Արեւելքի այլ շրջաններէն եկած շուրջ 20 հազար փախստականներ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...