News

05
Apr

Հայ Դատի Յանձնախումբը Կը Պատրաստուի Սպիտակ Տան Ստիպելու Խախտել Իր Լռութիւնը

BC4F5D61-06AB-4FBD-907F-0F51FC504670_w640_r1_s_cx0_cy9_cw0

Յստակ կրաւորական կեցուածք է սա, եւ անիկա սկսած է ոչ անցեալ շաբաթավերջ, կ՛ընդգծէ Ամերիկայի Հայ դատի յանձնախումբի խօսնակը:

Միացեալ Նահանգներու ամենաազդեցիկ հայկական կառոյցներէն մէկը յառաջիկայ օրերուն կը պատրաստուի յատուկ քայլեր ձեռնարկելու` ստիպելու Սպիտակ տան խախտել տարօրինակ լռութիւնը: Այս մասին «Ազատութեան» յայտնած է Ամերիկայի Հայ դատի յանձնախումբի հասարակայնութեան հետ կապի պատասխանատու Եղիսաբէթ Չուլճեան:

«Յստակ կրաւորականութիւն է սա, եւ իրականութեան մէջ կրաւորականութիւնը չէ սկսած այս [անցած] շաբաթավերջ, այլ սկսաւ, երբ [Ատրպէյճանի] նախագահ Ալիեւը այստեղ` Ուաշինկթըն էր, եւ այդ առիթը չօգտագործեց Ամերիկայի կառավարութիւնը, որ շատ յստակ ազդանշան ուղարկեն նախագահ Ալիեւին երկու հարցի գծով․ մէկը` որ այլեւս դադրեցնեն բռնապետութիւնը իրենց երկրին մէջ, եւ նաեւ դադրեցնեն յարձակումները Հայաստանի եւ Արցախի վրայ», – ընդգծած է Չուլճեան` աւելցնելով․ – «Ուրեմն, զարմանալի չէ, դժբախտաբար, որ արտաքին գործոց նախարար Քերին պիտի շարունակէ այս տկար խօսքերը, եւ այստեղ է, որ Քոնկրէսը պէտք է աւելի յստակ եւ զօրաւոր քայլեր ձեռնարկէ»:

Ամերիկացի խումբ մը քոնկրէսականներ նախօրէին կոշտ յայտարարութեամբ արձագանգած են Լեռնային Ղարաբաղի մէջ շարունակուող բռնութիւններուն: Օրէնսդիրները Միացեալ Նահանգներու վարչակազմին կոչ ուղղած են պատասխանատուութեան ենթարկելու Ատրպէյճանը բռնութիւններու համար եւ դադրեցնելու Ալիեւի վարչակարգին յատկացուող օգնութիւնը:

Քոնկրէսական Պրետ Շերման, մասնաւորապէս, յիշեցուցած է իր ու քոնկրէսական Էտ Ռոյսի նամակին մասին, որով Սպիտակ տան կոչ կ՛ընէին օգտագործելու Միջուկային գագաթնաժողովը Լեռնային Ղարաբաղում խաղաղութեան գործընթացին նպաստելու համար: «Փոխարէնը` կը պարզուի, որ Ալիեւը նոր յարձակումներ սկսած է Ղարաբաղի դէմ», – կ՛արձանագրէ Շերման:

Միացեալ Նահանգներու փոխնախագահ Ճօ Պայտըն երէկ Թուիթըրի մէջ կատարած գրառմամբ յիշեցուցած է․ – «Ինչպէս ես ըսի նախագահներ Ալիեւին եւ Սարգսեանին, Լեռնային Ղարաբաղի խնդրի համապարփակ կարգաւորումը կարեւոր է կայունութեան, անվտանգութեան եւ բարգաւաճման համար»:

Ղարաբաղի հարցը մինչ այդ ալ Ռուսիոյ եւ Միացեալ Նահանգներու դիւանագիտական գերատեսչութիւններու ղեկավարները քննարկած են․ Ճոն Քերին ու Սերկէյ Լաւրով ունեցած են հեռախօսազրոյց մը, որուն ժամանակ Հայաստանին եւ Ատրպէյճանին կոչ ուղղած են անյապաղ դադրեցնելու ռազմական գործողութիւնները: Անոնք «լուրջ մտահոգութիւն կը յայտնեն Լեռնային Ղարաբաղի մէջ լարուածութեան աճի կապակցութեամբ, վերահաստատելով ռազմական գործողութիւններու դադրեցման իրենց վճռական կոչը»: Լաւրովն ու Քերրին դատապարտած են որոշ «արտաքին խաղցողներ»-ու փորձերը` Ղարաբաղի շուրջ հակամարտութիւնը խթանելու ուղղութեամբ:

Ըստ Ռուսիոյ արտաքին գործոց նախարարութեան պաշտօնական կայքին, Լեռնային Ղարաբաղի մէջ ընթացող ռազմական գործողութիւններու հարցը նախարար Լաւրով նաեւ Գերմանիոյ արտաքին գործոց նախարար, ԵԱՀԿ-ի գործող նախագահ Ֆրանք-Ուոլթըր Շթայնմայըրի հետ քննարկած է: «Նախարարները լրջօրէն անհանգստացած են ղարաբաղեան իրադրութեան սրման առիթով, որ արդէն յանգեցուցած է բազմաթիւ մարդկային կորուստներու, որոնց շարքին` խաղաղ բնակչութեան շրջանակին մէջ», – կ՛ըսուի պաշտօնական հաղորդագրութեան մէջ:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...