News

23
Jan

«Հայ-Թրքական Յարաբերութիւններու Կարգաւորումը Անհնար է, Քանի Դեռ Պաշտօնական Անգարան Չէ Ճանչցած Հայոց Ցեղասպանութիւնը». Պաղտասարով

Մերձաւոր Արեւելքի եւ կեդրոնական Ասիոյ ուսումնասիրութեան կեդրոնի տնօրէն Սեմեոն Պաղտասարով կը կարծէ, որ Հայաստանի եւ Թուրքիոյ միջեւ յարաբերութիւններու կարգաւորումը ու երկու ժողովուրդներու միջեւ երկխօսութեան ստեղծումը անհնար է, քանի դեռ պաշտօնական Անգարան չէ ճանչցած Հայոց Ցեղասպանութիւնը, կը հաղորդէ “Թերթ։-ը։

«Թող նախ Թուրքիա ճանչնայ հայ ժողովուրդի ցեղասպանութիւնը: Թող վերադարձնէ այն հայերու գոյքը, զորս սպաննած են: Չի կրնար ըլլալ որեւէ հաշտեցում, մինչեւ ցեղասպանութիւնը ճանչցուի»,– ըսած է Պաղտասարով` rusarminfo-ի հետ զրոյցի ընթացքին մեկնաբանելով Եւրոմիութեան աջակցութեամբ հայ եւ թուրք ժողովուրդներու միջեւ յարաբերութիւններու հաստատման ուղղուած որոշ ծրագիրներու աշխուժացման, որ նկատելի է վերջերս:

Յայտնի է, որ վերջերս ԵՄ աջակցութեամբ Թուրքիոյ մէջ լոյս տեսած է Հայաստանի մասին առաջին թրքերէն ճանապարհորդական ուղեցոյցը, բացի այդ, օրերս մամուլին մէջ տարածուած է տեղեկութիւն այն մասին, որ եւրոպացի որոշ գործիչներ ճանաչողական նախագիծ մշակած են հայերու եւ թուրքերու համար Գերմանիոյ եւ Լեհաստանի սահմանին` ցոյց տալու համար, թէ ինչի կրնան հասնիլ նախապէս թշնամի երկու ժողովուրդները:

Պաղտասարով կը կիսէ որոշ հայ փորձագէտներու այն կարծիքը, որ սա փաստացի Թուրքիոյ հետ յարաբերութիւններու կարգաւորման նոր գործընթացի մեկնարկ է, ըստ անոր՝ ասոր մէջ դեր ունի նաեւ Հայաստանի մէջ տեղի ունեցած իշխանափոխութիւնը:

«Այնպիսի տպաւորութիւն ունիմ, որ իշխանութեան եկած են մարդիկ, որոնք չեն գիտեր, թէ ինչ կ՛ընեն: Կաշառակերներու փոխարէն եկած են շատախօսներ: Եթէ ժամանակին ոչինչ փոխուի` անոնք հայ ժողովուրդին ծայրայեղութեան կը հասցնեն: Որեւէ հաշտեցում չի կրնար ըլլալ, քանի դեռ թրքական իշխանութիւնը չէ ճանչցած Հայոց Ցեղասպանութիւնը», – ըսած է ռուս փորձագէտը:

Ան աւելցուցած է, որ նման հաշտեցումը կրնայ ձեռնտու ըլլալ Անգարային, որ, այդպիսով, «կուլ կու տայ» նաեւ Արեւելեան Հայաստանը:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...