News

18
Apr

Հայ Ժողովուրդը Երբ Հանդիպեցաւ Փոթորիկներու Նայեցա՛ւ Քրիստոսի Յաղթական Յարութեան եւ Այդ Յարութեամբ Հզօրացուց Իր Կեանքը. Արամ Ա.

17990921_1402173479804370_4018056060157212370_n

Մեր Տիրոջ ու Փրկիչին Յարութեան Հրաշափառ տօնին առիթով, Կիրակի, 16 Ապրիլ 2017-ին, Մեծի Տանն Կիլիկիոյ Կաթողիկոսութեան Մայրավանքի շրջափակը լեցուն էր հաւատացեալներու հոծ բազմութեամբ, որոնք եկած էին լուսաւորուելու եւ քաջալերուելու Քրիստոսի մահուան վրայ տարած յաղթանակով: Հաւատացեալներու կողքին ներկայ էին նաեւ այլ համայնքներու հոգեւոր թէ քաղաքական պատասխանատուներ ու ներկայացուցիչներ, որոնք եկած էին շնորհաւորելու Նորին Սրբութեան Ս. Զատիկը:

Զատկական Ս. Պատարագը մատուցեց ու իր հայրապետական պատգամը փոխանցեց Ս. Աթոռոյս Գահակալ՝ Ն.Ս.Օ.Տ.Տ. Արամ Ա. Վեհափառ Հայրապետ։ Սուրբ Պատարագի երգեցողութիւնը կատարեց Մեծի Տանն Կիլիկիոյ Կաթողիկոսութեան «Շնորհալի» երգչախումբը, ղեկավարութեամբ՝ Հոգշ. Տ. Գարեգին Վրդ. Շխրտըմեանի:

Նորին Սրբութիւնը իր պատգամին մէջ խօսելով Քրիստոսի Հրաշափառ Յարութեան տօնի խորհուրդին մասին հետեւեալ տողերուն մէջ ամփոփեց Յարութեան նպատակը. «Քրիստոս հալածուեցաւ, չարչարուեցաւ, խաչուեցաւ, թաղուեցաւ եւ Յարութիւն առաւ՝ որպէսզի իր Յարուեամբ մեզի Կեանք պարգեւէ: Աստուած մեզի՛ համար մարդացաւ, չարչարուեցաւ ու խաչուեցաւ ու դարձեալ մեզի՛ համար Յարութիւն առաւ, որպէսզի Քրիսոտսի օրինակին հետեւլով մահով մահը յաղթենք, Խաչով՝ մեղքը յ ու Աստուածորդիին Յարութեամբ Կեանք ունենանք»: Նորին Սրբութիւնը կարեւորութեամբ շեշտեց Յարութեան Հաւատքի անհրաժեշտութեան մասին, ըսելով. «Այսօր մեր ժողովուրդը որքա՜ն պէտք ունի Յարութեան շունչին, Յարութեան հաւաքին ու յարութեան տեսիլքին, որովհետեւ առանց անոնց մեր կեանքը պիտի դատարկուի իր իմաստէն, խորքէն ու նպատակէն: Հայ ժողովուրդը իր դարաւոր պատմութեան ընթացքին երբ հանդիպեցաւ փոթորիկներու, նայեցա՛ւ Քրիստոսի Յաղթական Յարութեան եւ այդ Յարութեամբ թրծեց, շաղախեց, իմաստաւորեց եւ հզօրացուց իր կեանքը: Նոյն այդ Յարութեան ոգիով է որ կրցաւ տոկալ ու դէմ դնել ամէն տեսակ դժուարութեանց, ու մի՛շտ ալ Յարութիւն առաւ, Քրիստոսի օրինակով մահուան վրայ յաղթանակ տանելով»։

Վեհափառ Հայրապետը իր պատգամը եզրափակեց հաւատացեալներուն կոչ ուղղելով՝ վերանորոգելու մեր քրիստոնէական կեանքը Քրիստոսի Յաղթական Յարութեամբ, Անով պայծառակերպուելու եւ առաջնորդուելու դէպի բարի եւ խաղաղ նաւահանգիստ:

Սուրբ եւ Անմահ Պատարագի աւարտին, Ս. Զատկուան տօնին առիթով Արամ Ա. Կաթողիկոս շնորհաւորանքներ ընդունեց Հոգեւոր Պետերու, քաղաքական ու ազգային ներկայացուցիչներու եւ բարձրաստիճան պատասխանատուներու կողմէ:

17966815_1402174966470888_2517242988810854353_o

17952553_1402175439804174_1076374603970010910_n

aram

17884388_1402173563137695_5871221609855022709_n

17992179_1402173719804346_3618885181236147786_n

17952453_1402177186470666_3490953533293507055_n

17991230_1402175279804190_3826286355900020819_n

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...