News

20
Jun

Հայ Քաղաքական Գործիչը Զայրացուցած է Թրքական Լրատուամիջոցները

semyon_s8ep_cover

Թրքական լրատուամիջոցներու ուշադրութեան առարկայ դարձած է ռուսական «Вести FM» (Վէսթի FM) ձայնասփիւռի եթերով հեռարձակուած «Էրտողանի օսմանեան տենչերը» անունով հաղորդումը։ Այս մասին կը հաղորդէ Ermenihaber.am-ը։

Հաղորդման հիւրն էր Ռուսիոյ «Մերձաւոր Արեւելքի եւ Կեդրոնական Ասիոյ» հետազօտական կեդրոնի տնօրէն, քաղաքական գործիչ, փորձագէտ  ծագումով հայ Սիմէոն Պաղտասարովը։ Վերջինիս խօսքերը Օսմանեան կայսրութեան եւ Սուլէյման սուլթանի ռուս կնոջ՝ Հիւրեմի (Ռոքսոլոնա) մասին զայրացուցած են թրքական լրատուամիջոցները։

Նախ, Պաղդասարովը ըսած է, որ բիւզանդական կայսրութեան հիմնական ցեղական զանգուածը հայերն ու յոյներն էին։ Սակայն, երբ անիկա կործանուեցաւ, այնտեղի բնակչութեան մեծ մասը թրքացուեցաւ։ Որոշ մարդոց երակներուն մէջ դեռ կը հոսի ոչ թրքական արիւն։

Օրինակ բերելով «Հիանալի դարաշրջան» յայտնի թրքական հեռատեսիլի դրուագաշարը՝ Պաղտասարով ըսած է.

«Օրինակ այդ դրուագաշարին մէջ, Իպրահիմ փաշան յոյն էր։ Ան Սուլէյման սուլթանի կողմնակիցներէն էր։ Սուլթանի կինը՝ Հիւրեմը, Իպրահիմը կը տրամադրէ սուլթանի դէմ։  Այդ ժամանակ՝ Իպրահիմ փաշան Օսմանեան կայսրութեան երկրորդ մարդն էր։ Սուլէյման սուլթանը Հիւրեմի պատճառով Իպրահիմ փաշան կ՝ուզէ սպաննել։ Կը ներէք արտայայտութեանս համար, Հիւրեմը իսկական քած էր»։

Ռուս հաղորդավարը խնդրած է նման բառեր չօգտագործել եթերի ժամանակ, Պաղտասարով հակադարձած է, թէ ատիկա գրական բառ է եւ պէտք չէ խուսափիլ անկէ։

Թրքական կայքը Պաղտասարովի ըսածը որակած է իբրեւ «անհիմն հայհոյանք»։

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...