News

02
Mar

«Հաց Բերողը» Հացադուլի Մէջ Է Արդէն 20-րդ Օրը

հաց բերողըՓաստաբան Դաւիթ Գիւրջեանը տեսակցած է՝ արդէն 20-րդ օրը հացադուլի մէջ գտնուող Ա. Սարգսեանին: Ան ըսած է, որ Արթուր Սարգսեանը շաբաթ օրուընէ անկողնէն չ՛ելլեր, օրէ օր կը հիւծուի եւ հացադուլէն հրաժարելու մասին չի մտածեր: Գիւրջեանի խօսքով`  Ա. Սարգսեանի աջ ոտքի ծունկի այտուցը աւելի մեծցած է. ան արիւն կը փսխի եւ կը մրսի:

Յիշեցնենք, որ 2016-ի յուլիսի 26-ին առաւօտեան Արթուր Սարգսեանը իր անձնական մեքենայով ճեղքած է Էրեբունիի ոստիկանական գումարտակի ոստիկանական պատնէշը եւ սնունդ հասցրած էր զայն գրաւած եւ այդ պահուն այնտեղ 10 օր գտնուող «Սասնայ Ծռեր»-ուն:

Սասնայ Ծռեր»-ու կողմէ զէնքը վար դնելէն եւ յանձնուելէն ետք, Արթուր Սարգսեանը կալանաւորուեցաւ եւ անոր մեղադրանք առաջադրուեցաւ ՀՀ քրէական օրէնսգիրքի 218 յօդուածի 3-րդ մասի 1-ին կէտով (պատանդ վերցնելը) եւ 235 յօդուածի 3-րդ մասով (ապօրինի զէնք զինամթերք ձեռք բերելը, իրացնելը, պահելը, փոխադրելը):

Օգոստոսի 5-ին վերաորակաւորուեցաւ Արթուր Սարգսեանի մեղադրանքը եւ ան մեղադրուեցաւ զինուած խումբի անդամներուն օժանդակելու մէջ:

2016-ի Դեկտեմբեր 30-ին Արթուր Սարգսեանը ազատ արձակուեցաւ, իսկ 2017-ի Փետրուար 9-ին կրկին ձերբակալուեցաւ:

Երկրորդ ձերբակալութեան առաջին օրուընէ Արթուր Սարգսեանը անժամկէտ հացադուլ յայտարարեց, որուն հետեւանքով անոր առողջական վիճակը վատացած է:

Արթուր Սարգսեանը կալանքէն ազատելու կոչով ֆէյսպուքեան իր էջին մէջ ստորագրահաւաք կազմակերպած էր ազգագրագէտ Հրանոյշ Խառատեանը, այնուհետեւ մէկ այլ ստորագրահաւաք կազմակերպեցին նաեւ Ազգային ժողովի պատգամաւորները: Նոյն կոչով հանրային ցոյց կազմակերպուեցաւ նաեւ Ազատութեան հրապարկին վրայ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...