News

18
Jul

ՀՀ Կրթութեան եւ ԳԻտութեան Նախարարը Հանդիպում Ունեցած Է Սփիւռքահայ Ուսուցիչներու Հետ

Levon_71717

Խ. Աբովեանի անուան հայկական պետական մանկավարժական համալսարանին մէջ կը շարունակուի սփիւռքահայ ուսուցիչներու  վերապատրաստման միամսեայ ծրագիրը, որուն մասնակիցներուն հետ երէկ հանդիպում ունեցած է Հայաստանի կրթութեան եւ գիտութեան նախարար Լեւոն Մկրտչեան:

Նախարարը շնորհակալութիւն յայտնած է ուսուցիչներուն անոնց ստանձնած առաքելութեան` սփիւռքահայ գաղթօճախներուն մէջ հայապահպանութեան միտուած աշխատանքին համար: Ըստ նախարարին, այս տարի ուսուցիչներու մասնակցութեան աշխարհագրութիւնը ընդլայնած է, իսկ որոշ համայնքներէ նաեւ բաւական մեծաքանակ մասնակցութիւն արձանագրուած է:

Նախարար Լեւոն Մկրտչեանի համաձայն, սփիւռքահայ ուսուցիչներու  վերապատրաստման ծրագիրը շատ հեռանկարային է, հետեւաբար կարեւոր է ճիշդ բանաձեւ գտնել` հայեցի կրթութեան հիմնահարցերը փոխանցելու սփիւռքի հայկական դպրոցներուն:

«Սփիւռքի տարբեր համայնքներու մէջ որակապէս տարբեր վիճակներ են. իւրաքանչիւրը ունի իր իւրայատկութիւնը, հետեւաբար կարելի չէ բոլորին համար մէկ ծրագիր ունենալ: Մեր աւանդական դպրոցական ծրագիրներով այլեւս կարելի չէ չորրորդ սերունդի հայեցի դաստիարակութիւն իրականացնել, եւ հայագիտական նիւթերու  նկատմամբ հետաքրքրութեան պակասը նաեւ համապատասխան ծրագիրի պակասի հետեւանք է», նշած է նախարարը` անդրադառնալով նաեւ Հայաստանի մէջ բնակող սուրիահայ աշակերտութեան կրթութեան հարցին:

Ըստ նախարարին, վերջիններս ունին ներառման խնդիր ո՛չ միայն լեզուական, այլ նաեւ աշխարհընկալման տեսանկիւնէ: «Հայաստանի Հանրապետութեան նախագահին մօտ տեղի ունեցած խորհրդակցութեան ընթացքին յանձնարարուած է մշակել փորձնական ծրագիր` արեւմտահայերէնի պահպանման եւ զարգացման ուղղութեամբ: Անիկա կ՛ենթադրէ երկու հարթութիւններու վրայ աշխատանք` Հայաստանի եւ սփիւռքի մէջ: Մենք պիտի փորձենք քանի մը տարուան ընթացքին  հասնիլ անոր, որ համալսարանական ընդունելութեան քննութիւններու  մեր ծրագիրները արեւմտահայերէնով մատչելի ըլլան սփիւռքահայ աշակերտութեան», նշած է նախարարը` ուսուցիչներուն ներկայացնելով Հայաստանի Հանրապետութեան կրթական համակարգին մէջ ընթացող բարեփոխումները: Լեւոն Մկրտչեան վստահեցուցած է, որ նախարարութիւնը պիտի փորձէ լուծում գտնել սփիւռքահայ ուսուցիչներուն կողմէ ներկայացուած բոլոր հարցերուն, ինչպէս նաեւ պիտի քննարկէ վերապատրաստումներու ձեւաչափի եւ բովանդակութեան վերաբերեալ բոլոր առաջարկներն ու կարծիքները:

Հանդիպումին ընթացքին սփիւռքահայ ուսուցիչները, իրենց գոհունակութիւնը յայտնելով ընթացող վերապատրաստումներուն  վերաբերեալ, շարք մը հարցումներ ուղղած են նախարարին:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...