News

14
Jan

ՀՀ Նախագահի Նստավայրին Մէջ Տեղի Ունեցաւ Արմէն Սարգսեանի եւ Նիկոլ Փաշինեանի Հանդիպումը

ՀՀ նորանշանակ վարչապետ Նիկոլ Փաշինեան Դեկտեմբեր 14ին ՀՀ նախագահ Արմէն Սարգսեանի հետ հանդիպման ժամանակ կարեւոր համարած է նախագահի, վարչապետի, կառավարութեան, Ազգային ժողովի համագործակցութիւնը:

«Պէտք է արձանագրել, որ անցած 8 ամիսներու ընթացքին որոշ փորձ կուտակած ենք, բայց, այնուամենայնիւ, սա նոր իրավիճակ է, նոր հիմնարկային յարաբերութիւններ են, եւ մենք պէտք է կարենանք այստեղ նոյնպէս այնպիսի աւանդոյթներ ստեղծել, որոնք կ՛երաշխաւորեն իշխանութիւններու յստակ տարանջատումը, ժողովրդավարութիւնը, օրէնքի գերակայութիւնը եւ, ի հարկէ, փոխզսպումներու եւ հակակշիռներու համակարգ»,- ըսած է վարչապետը։

Նիկոլ Փաշինեանի խօսքով` պետութեան կառավարելիութեան մակարդակը պէտք չէ նուազի:

 «Հայաստանի Հանրապետութեան քաղաքացիները պէտք է վստահ ըլլան, որ իշխանութիւն ձեւաւորելու իրենց իրաւունքը այլեւս երբեք ոչ ոք իրենց ձեռքէն միայն պիտի առնէ, այլեւ նոյնիսկ փորձ պիտի չընէ, նոյնիսկ եթէ այդպիսի փորձ ընէ, վստահօրէն պիտի ձախողի»,-ըսած է կառավարութեան ղեկավարը:

Նախագահ Սարգսեան իր հերթին վստահութիւն յայտնած է, որ այս խօսքերը զուտ խօսքեր չեն, այլ խօսքեր, որոնց ոչ միայն կը հաւատայ վարչապետը, այլեւ նուիրուած է:

 «Ձեր յաջողութիւնը մեր երկրի յաջողութիւնն է, մեր ժողովուրդին, մեր բոլորին, նաեւ իմ յաջողութիւնն է»,- ըսած է Արմէն Սարգսեան:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...