News

20
Apr

ՀՀ Նախագահ Արմէն Սարգսեանի Շնորհաւորանքը Քրիստոսի Հրաշափառ Յարութեան Տօնի Առիթով

Քրիստոսի հրաշափառ յարութեան տօնի առթիւ ջերմօրէն կը շնորհաւորեմ մեր ողջ ժողովրդը Հայաստանի, Արցախի եւ Սփիւռքի մէջ, մեր ժողովուրդի բարեկամները, Սուրբ Զատիկը նշող բոլոր քրիստոնեաները, այս օրերուն Հայաստանի մէջ գտնուող հիւրերը:

Այս օրը քրիստոնեայ աշխարհի կողմէն կը նշուի առանձնայատուկ հանդիսաւորութեամբ եւ սիրով, առաւել եւս մեր ժողովուրդի պարագային: Որպէս քրիստոնէութիւնը աշխարհի մէջ առաջինը պետականօրէն ընդունած երկիր, քրիստոնէական հաւատքը արդէն բազում դարեր խորն ու ամուր նստած է հայ հողի, հայ մարդու, մեր ինքնագիտակցութեան մէջ:

Իր նշանակութեամբ եւ ընդգրկումով Սուրբ Յարութեան խորհուրդը աւելին է, քան եկեղեցական տօնը: Անիկա իւրովի կը համախմբէ մեզ, կ’ոգեւորէ եւ կը զօրացնէ բոլորս, կը վերածնէ, կը նորոգէ եւ կ’ամրապնդէ հաւատքը սեփական ուժերուն հանդէպ, նոր յոյսեր կը պարգեւէ վաղուայ օրուայ հանդէպ:

Այս տօնը նաեւ իւրատեսակ կոչ է՝ ըլլալու աւելի միասնական ու համախմբուած, աւելի հեռատես, հաստատակամ, հանդուրժող, յատկապէս որ աշխարհը այսօր լի է անկայուն եւ մտահոգիչ իրադարձութիւններով:

Կը մաղթեմ, որ Քրիստոսի յարութեան յուսաբեր աւետիսը լուսաւորէ ու նոր աւիւնով լեցնէ մեզմէ իւրաքանչիւրի սիրտը, մղէ նոր ու բարի գործերու՝ յանուն Հայաստանի եւ մեր ժողովուրդի:

Քրիստոս յարեաւ ի մեռելոց:

Օրհնեալ է յարութիւնը Քրիստոսի:

 

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...