News

13
Aug

ՀՀ Վարչապետի Տիկինը Փարիզ Այցելութեան Ընթացքին Շեշտած է ՀՅԴ-ի Անգնահատելի Դերը Հայաստանի եւ Արցախի Համար

Հայաստանի Հանրապետութեան վարչապետ Նիկոլ Փաշինեանի կինը` Աննա Յակոբեան շաբաթավերջին Ֆրանսայի մէջ հանդիպում ունեցած է ՀՅԴ ներկայացուցիչներուն հետ:

ՀՅԴ կեդրոնին մէջ տեղի ունեցած հանդիպումի  ընթացքին Աննա Յակոբեանին ուղղուած ողջոյնի խօսք յղած է Հայկական կազմակերպութիւններու համակարգող խորհուրդի համանախագահ, ՀՅԴ Բիւրոյի անդամ Մուրատ Փափազեան:

«Դաշնակցութեան նպատակը միշտ եղած է պաշտպանել Հայաստանը, Արցախը, հայ ժողովուրդին շահերը: Կ՛ուզեմ մեր ընկեր-ընկերուհիներուն ներկայութեամբ կրկնել, որ յեղափոխութիւնը պէտք է յաջողի, որովհետեւ յեղափոխութեան յաջողութիւնը հայ ժողովուրդի ապագան է: Եւ Դաշնակցութիւնը` թէ՛ Հայաստանի, Արցախի, եւ թէ՛ սփիւռքի մէջ, իր ուժերը կը ներդնէ յեղափոխութեան յաջողութեան տրամադրութեան տակ», նշած է Փափազեան:

Նոյն հանդիպումին Աննա Յակոբեանին ուղղուած ողջոյնի խօսքին մէջ ՀՅԴ Արեւմտեան Եւրոպայի Կեդրոնական կոմիտէի անդամ Հրաչ Վարժապետեան խոստացած է տրամադրել բոլոր կարելիութիւնները` թէ՛ մարդուժի, թէ՛ ֆինանսական` յաջողցնելու համար յեղափոխութեան նպատակը, որուն վրայ  ժողովուրդը յոյս դրած է:

«Դաշնակցութեան համար Հայաստանն ու Հայաստանի պետականութիւնը վեր են ամէն ինչէ: Այդպէս եղած է նոյնիսկ նախագահ Լեւոն Տէր Պետրոսեանի ժամանակ…», իր խօսքին մէջ նշած է Վարժապետեան` չուզելով յիշեցնել «այդ էջերն ու անոր հետեւանքները»:

ՀՅԴ կեդրոնին մէջ տեղի ունեցած հանդիպումին ընթացքին Հայաստանի վարչապետ Նիկոլ Փաշինեանի կինը` Աննա Յակոբեան կարեւոր նկատած է ՀՅԴ-ի դերը Հայաստանի եւ  Արցախի համար:

Խօսքը ուղղելով ներկաներուն` Աննա Յակոբեան ըսած է, թէ այդ գործը, որ դուք մինչեւ այսօր կատարած էք Հայաստանի եւ Արցախի համար, անգնահատելի է:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...