News

16
Apr

Հռիփսիմէ Խուրշուդեան Դարձաւ Եւրոպայի Կրկնակի Ախոյեան

hripsime khurshudian

Նորվեկիոյ մէջ ընթացող ծանրամարտի Եւրոպայի ախոյեանութեան Հայաստանը դարձեալ նուաճեց ոսկէ մետալ: Կանանց գերծանր քաշային կարգին մէջ երկամարտի 250 քկ (113+137) արդիւնքով Հայաստանը ներկայացնող Հռիփսիմէ Խուրշուդեան գրաւեց առաջին տեղը` հռչակուելով Եւրոպայի ախոյեան` երկամարտի մէջ 1 քիլոյով գերազանցելով երկրորդ տեղը գրաւած վրացի Անաստասիա Հոտֆրիդին:

Ծանրամարտի կանանց Եւրոպայի նորընծայ ախոյեան Հռիփսիմէն իր յաղթանակը նոյնպէս նուիրեց Արցախի մէջ զոհուած հայ զինուորներու յիշատակին: «Ես նոյնպէս միանում եմ իմ ընկերների բարեմաղթանքներին եւ իմ 2 յաղթանակները նուիրում եմ Արցախում զոհուած բոլոր մեր հայ զինուորներին ու բոլոր նրանց, ովքեր մարտնչում են: Մեր զինուորներին եմ նուիրում»,- յայտնած է ան:

Այս քաշային կարգին մէջ Հայաստանի միւս ներկայացուցիչ 17-ամեայ Արփինէ Դանիէլեան երկամարտի 213 քկ. (93+120) արդիւնքով գրաւեց 6-րդ տեղը:

Հռիփսիմէն այս տիտղոսին կ՛արժանանայ 2-րդ անգամ ըլլալով: Առաջին անգամ ան 2007-ին հռչակուած էր Եւրոպայի ախոյեան, երբ ոսկէ մետալ նուաճած էր 75 քկ. քաշայիններու պայքարի ընթացքին:

Նշենք, որ ծանրամարտի կանանց Հայաստանի հաւաքականը (Աննա Գովելեան, 53 քկ., Իզապելա Եայլեան, 58 քկ., Քրիստինէ Պետրոսեան, 63 քկ., Նազիկ Աւդալեան, 69 քկ., Սոնա Պօղոսեան, 75 քկ., Արփինէ Դանիէլեան եւ Հռիփսիմէ Խուրշուդեան, 75+ քկ., գլխաւոր մարզիչ` Արտաշէս Ներսիսեան) պատմութեան մէջ առաջին անգամ խմբային հաշուարկով գրաւեց առաջին տեղը:

Յիշեցնենք, որ Հռիփսիմէ Խուրշուդեանի պէս Եւրոպայի Ախոյեան հռչակուած էր նաեւ Նազիկ Աւդալեան, որ եւս իր յաղթանակը նուիրած էր Արցախի մէջ զոհուած եւ մարտնչող հայ զինուորներուն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...