News

03
Jun

Հռոմի Պապի ու Հայոց Կաթողիկոսի Մասնակցութեամբ Ընդհանրական Արարողութիւն` Հանրապետութեան Հրապարակին Վրայ

pope-karekinՅունիս 24-ին Հռոմի սրբազան քահանայապետ Ֆրանչիսկոս պապը պիտի ժամանէ Հայաստան: Պապի հայաստանայեան այցի օրակարգը այսօր ներկայացուցած է Մայր Աթոռ Սուրբ Էջմիածնի միջեկեղեցական յարաբերութիւններու  պատասխանատու Տէր Շահէ ծայրագոյն վարդապետ  Անանեան: Անոր տեղեկացմամբ`  եռօրեայ այցի ծիրէն ներս Երեւանի «Զուարթնոց» օդակային մէջ դիմաւորման պաշտօնական արարողութենէն ետք  պապը պիտի մեկնի Մայր Աթոռ Ս. Էջմիածին. Մայր Տաճարին մէջ տեղի պիտի ունենայ Բարի գալուստի` «Հրաշափառ»-ի արարողութիւն: Նոյն օրը երեկոյեան սրբազան քահանայապետը ՀՀ նախագահի նստավայրին մէջ հանդիպում պիտի ունենայ նախագահ Սերժ Սարգսեանի հետ:

Այցի առաջին օրը պիտի ամփոփուի Մայր Աթոռ Ս. Էջմիածնին մէջ կայանալիք Ֆրանչիսկոս պապի եւ Գարեգին 2-րդ  ամենայն հայոց կաթողիկոսի հանդիպմամբ: Նոյն օրը երեկոյեան մայրաքաղաքի հանրապետութեան հրապարակին վրայ տեղի պիտի ունենայ ընդհանրական արարողութիւն եւ Խաղաղութեան աղօթք: Տէր Շահէ ծայրագոյն վարդապետ  Անանեանի խօսքով` սա Հռոմի պապի հայաստանեան այցի ծիրէն ներս, թերեւս, ամենահանդիսաւոր ու մարդաշատ միջոցառումն է:

Յունիս 26-ին, Մայր Աթոռ Ս. Էջմիածինի մէջ Պապը հանդիպում պիտի ունենայ Հայ կաթողիկէ եպիսկոպոսներու հետ, պիտի մասնակցի Ս. Պատարագի արարողութեան ու ընդհանուր ճաշկերոյթին` Ամենայն հայոց կաթողիկոսի, Հայաստանեայց առաքելական, ինչպէս նաեւ հայ կաթողիկէ եկեղեցիներու անդամներու ու  պապական պատուիրակութեան հետ:

Նոյն օրը կը նախատեսուի համատեղ յայտարարութեան ստորագրում: Յայտարարութեան բնագիրը նախապէս պիտի տրամադրուի լրատուամիջոցներուն: Հովուապետները նաեւ աղօթք պիտի մատուցանեն Խոր վիրապի վանքին մէջ, որմէ ետք Հռոմի սրբազան քահանայապետը Երեւանէն պիտի մեկնի Հռոմ:

Մայր Աթոռ Սուրբ Էջմիածինի միջեկեղեցական յարաբերութիւններու պատասխանատուն Կաթոլիկ եկեղեցւոյ հովուապետին հայաստանեան այցի նշանակութիւնը կ՛որակէ բազմաշերտ ու քանի մը շեշտադրումներ կ՛ընէ: Նախ` 2015- ի Ապրիլին Ֆրանչիսկոս պապը խոստացած էր այցելել Հայաստան, երկրորդ` որ առաքելական եւ կաթոլիկ եկեղեցիները բարեկամական ջերմ յարաբերութիւններ ունին եւ այցը ատիկա ամրապնդելու եւ նոր հեռանկրաներ բանալու նպատակ ունի:

Այցի երրորդ կարեւորագոյն  նշանակութիւնը. երկու հովուապետներուն խաղաղութեան աղօթքը տարածաշրջանին մէջ խաղաղութեան հաստատման ու կրօնական հանդուրժողականութեան հրաշալի ուղերձ կրնայ ըլլալ:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...