News

03
Oct

Մեխակաւան (Ճէպրայիլ) Բնակավայրին Մէջ Օծուած է Զօրաւոր Սուրբ Աստուածածին Եկեղեցին

73603

Արցախի սահմանամերձ Մեխակաւան (Ճէպրայիլ) բնակավայրին մօտ նախօրէին տեղի ունեցած է Զօրաւոր Սուրբ Աստուածածին եկեղեցւոյ օծման եւ բացման հանդիսաւոր արարողութիւնը:

Ըստ Artsakhpress.am-ի՝ բարերար Գրիգոր Մովսիսեանի միջոցներով կառուցուած եկեղեցւոյ օծման հանդիսաւոր արարողութիւնը կատարած է ՀՀ ԶՈւ հոգեւոր առաջնորդ գերաշնորհ Տ. Վրթանէս եպիսկոպոս Աբրահամեանը:

Սկիզբը օծուած է եկեղեցւոյ Աշոտ Երկաթ թագաւորի հայոց բանակին պահապան Սուրբ Խաչի կրկնօրինակ խաչը, այնուհետեւ եկեղեցին, որմէ ետք մատուցուած է պատարագ, որուն ընթացքին ՀՀ ԶՈւ հոգեւոր առաջնորդը իր շնորհաւորական խօսքը ուղղելով ներկաներուն` կարեւոր համարած է այդպիսի աստուածահաճոյ նախաձեռնութիւնը` կառուցած Աստուծոյ տուն մեր հայրենիքի ազատագրուած հատուածներուն վրայ. «Կամոքն բարձրեալ աստուծոյ, այսօր մենք ունեցանք եւս մէկ աղօթավայր, որ առաջինն է ազատագրուած մեր պապական Մեխակաւան բնակավայրին մէջ: Ունեցանք սրբավայր մը, որ պէտք է գօտեպնդէ մեր զինուորները` առաւել հաստատուն ըլլալու իրենց ծառայութեան մէջ, որովհետեւ այստեղէն կը սկսի նաեւ քրիտստոնէութեան սահմանը, որուն կնիքը եղաւ նորակառոյց այս Զօրաւոր Սուրբ Աստուածածին եկեղեցին»,- ըսած է Տ. Վրթանէս եպիսկոպոս Աբրահամեանը:

Պատարագի աւարտին ՀՀ ԶՈւ հոգեւոր առաջնորդը կարդացած է ամենայն հայոց կաթողիկոսի կոնդակը, որմով եկեղեցւոյ բարերար Գ. Մովսիսեանին շնորհուած է հայ եկեղեցւոյ բարձրագոյն Ս. Ներսէս Շնորհալի պատուոյ շքանշանը:

Նշենք, որ արարողութեան ներկայ էին ՀԱԵ Արագածոտնի թեմի առաջնորդ Տ. Մկրտիչ եպիսկոպոս Պռոշեանը, ԱՀ ՊԲ հրամանատարի ԱՀՏԱԳՏ զօրավար-հրամանատար Վարդան Բալայեանը, եկեղեցւոյ կառուցման հովանաւոր Գ. Մովսիսեանը, Երկրապարահ կամաւորականներու միութեան վարչութեան ներկայացուցիչներ, բարձրաստիճան զինուորականներ, հիւրեր:

 

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...