News

03
Apr

Միջազգային Դիտորդներու Նախնական Եզրակացութիւնը Կը Պարունակէ Եւ Դրական, Եւ Բացասական Տարրեր

mhm0113259_copy.thumb«Քուէարկութեան օրը հանդրատ էր, խաղաղ, ընդհանուր առմամբ ընտրական գործընթացները պահպանուած են, արձանագրող սարքերը արդիւնաւէտօրէն աշխատած են»,- լրագրողներուն հետ հանդիպման ժամանակ  ըսած է ԵԱՀԿ / ԺՀՄԻԳ ընտրութիւններու դիտորդական առաքելութեան ղեկավար, դեսպան Եան Փիթըրսըն` ներկայացնելով դիտորդական առաքելութեան նախնական եզրակացութիւնները:

Անոր խօսքով, իրենց նախնական եզրակացութիւնը կը պարունակէ եւ դրական, եւ բացասական տարրեր, կը հաղորդէ «Փանորամա»-ն:

«Անհրաժեշտ է անդրադառնալ քուէարկութեան գաղտնիութեան եւ ընտրակաշառքի  խնդիրներուն»,- ըսած է ան:

Եան Փիթըրսըն նշած է, որ  քուէարկութեան ժամանակ նկատուած են հերթեր, կուտակումներ, կուսակցութեան ներկայացուցիչներու, ոստիկանութեան կողմէ միջամտութիւններ տեղամասային կեդրոններուն մէջ:

Ան միաժամանակ ըսած է, որ  Հայաստանի մէջ նոր Ընտրական օրէնսգիրքով իրականացուած է այս ընտրութիւնները, ժամանակ պէտք է, մինչեւ բոլորը իմանան այս նոր համակագին մասին:

Ե. Փիթըրսընի խօսքով, դեռ երկու շաբաթ պիտի մնան Հայաստան` հետեւելու յետընտրական զարգացումներուն, արդիւնքներու վերջնական տեսքին, բողոքներու քննարկման:

ԵԱՀԿ/ԺՀՄԻԳ դիտորդական առաքելութեան  ներկայացուցիչ Իկնասիօ Սանչես Ամօր յայտնած է, որ հակառակ  նոր արհեստագիտական սարքերու կիրարմամբ, ընտրութիւններուն վրայ հետք ձգած են ընտրակաշառքներու մասին վստահութեան արժանի տեղեկութիւնները, մասնաւոր ընկերութիւններու կողմէ ճնշումները ընտրողներուն վրայ, որուն պատճառով նկատուած է ընտրութիւններու նկատմամբ հանրային վստահութեան պակաս:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...