News

12
Oct

Մոնթրէալի «Նոր Ծաղիկ» Երգչախումբի Հոգեւոր Երգերու Խտասալիկի Հասոյթը Պիտի Տրամադրուի Ստեփանակերտի «Սօսէ» Մանկապարտէզին

CD-Cover-1

Նոր լոյս տեսաւ Արեգ Լուսինեանի երաժշտական յօրինմամբ Մանկապատանեկան Պատարագին խտասալիկը (CD): Այս Պատարագը կը վայելէ Օրհնութիւնը Գանատայի Հայոց Թեմին Առաջնորդ՝ Գերշ. Տ. Բաբգէն Արք. Չարեանի: Յօրինման հովանաւորն է Տիկ. Շաքէ Կէօնճեան, իսկ խտասալիկին հովանաւորը՝ Մանուկ եւ Աննա Ջուխաճեան, երգչախումբն է՝ Ս. Յակոբ Առաջնորդանիստ Մայր Եկեղեցւոյ ”Նոր Ծաղիկ”ը,կը գրէ “Հորիզոն”-ը:

Մանկապատանեկան Պատարագին կատարումը խմբավարութեամբ Տիկ. Էլօ Պտղունի-Հարպոյեանի եւ երգեհոնահարութեամբ Տիկ. Դալար Հարպոյեան-Գալլօղլեանի՝ ներշնչիչ է ու վերացնող:

Այս Պատարագը հայ երաժշտական աւանդութեան մէջ, ու մանաւանդ հայ եկեղեցական երաժշտութեան մէջ անկիւնադարձային պիտի մնայ, թէ’ լեզուականօրէն եւ թէ՝ երաժշտականօրէն:

Լեզուականօրէն՝ որովհետեւ

1.-առաջին աշխարհաբար իրագործումն է, եւ

2.- մանուկներուն եւ պատանիներուն համար առաջին պատշաճեցումն է Հայ Պատարագին:

Երաժշտականօրէն՝ որովհետեւ Մանկապատանեկան երգի ամենէն փորձառու եւ վաստակաւոր երաժիշտը իր տաղանդին շնորհքները գեղեցկօրէն եւ նրբօրէն փայլեցուցած է:

Խտասալիկէն ունենալու համար դիմել Ս. Յակոբ Առաջնորդանիստ Մայր Եկեղեցւոյ գրասենեակ. 514-331-5445 x 202: Սակ՝ 20$:

Հասոյթը պիտի տրամադրուի Ստեփանակերտի ՀՕՄ-ի «Սօսէ» Մանկապարտէզին:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...