News

13
Mar

Նալպանտեանը Շուէտի Առաջնակարգ Վերլուծական Կեդրոններուն Ներկայացուցած է ՀՀ Արտաքին Քաղաքականութեան Առաջնահերթութիւնները

nalbandian

Պաշտօնական այցելութեամբ Սթոքհոլմ գտնուող ՀՀ արտաքին գործոց նախարար Էդուարդ Նալպանտեանը հանդիպում ունեցած է Շուէտի առաջնակարգ վերլուծական կեդրոններու` Սթոքհոլմի միջազգային խաղաղութեան ուսումնասիրութեան կեդրոնի, Միջազգային յարաբերութիւններու շուէտական հիմնարկի, Ուբսալայի համալսարանի խաղաղութեան եւ հակամարտութիւններու ուսումնասիրման կեդրոնի, «Եարլ Հեալմարսըն» հիմնադրամի ղեկավարութեան եւ բարձրաստիճան դիւանագէտներու հետ: Այս մասին կը տեղեկացնեն ՀՀ արտաքին գործոց նախարարութեան մամուլի, տեղեկատւութեան եւ հասարակայնութեան հետ կապի վարչութենէն:

Հանդիպման ընթացքին, Էդուարդ Նալպանտեան ներկայացուցած է Հայաստանի արտաքին քաղաքական առաջնահերթութիւնները, անդրադարձած հայ-շուէտական յարաբերութիւններու զարգացման ուղղութեամբ ձեռնարկուող քայլերուն:

Արտաքին գործոց նախարարը արժեւորած է Շուէտի հետ համագործակցութիւնը ինչպէս երկկողմ, այնպէս ալ բազմակողմ ձեւաչափերով` կարեւոր համարելով փոխգործակցութիւնը Հայաստան-ԵՄ յարաբերութիւններու եւ, մասնաւորապէս, Արեւելեան գործընկերութեան ծիրէն ներս: Այս ծիրէն ներս, նախարար Նալպանտեան անդրադարձած է ՀՀ-ԵՄ Համապարփակ եւ ընդլայնուած համաձայնագիրին, անոր ծիրէն ներս համագործակցութեան հեռանկարներուն:

ԱԳ նախարարը ներկաներուն ներկայացուցած է ղարաբաղեան հիմնախնդիրի բացառապէս խաղաղ կարգաւորման ուղղուած Հայաստանի եւ ԵԱՀԿ Մինսկի խումբի համանախագահ երկիրներու համատեղ ջանքերը, ինչպէս նաեւ տարածաշրջանային եւ միջազգային շարք մը հրատապ խնդիրներու վերաբերեալ Հայաստանի մօտեցումները:

Հայաստանի արտաքին քաղաքական գերատեսչութեան ղեկավարը պատասխանած է ներկաներու բազմաթիւ հարցերուն, որոնք կը վերաբերէին կովկասեան եւ յարակից տարածաշրջաններու մէջ տեղի ունեցող իրադարձութիւններուն, միջազգային ասպարէզի մէջ գործընթացներուն:

Source: Yerakouyn

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...